1．仁愛的耶和華，

賜下孤子作贖價，

為著赦免人犯的罪，

拍開死亡的鎖鏈。

咱若真心真意悔改，

祈求上帝的諒解，

伊真歡喜表現慈愛，

原諒咱毋著所在。

2．憐憫對待別人，

上帝嘛會憐憫咱。

兄弟姊妹互相鼓勵，

誠心誠意來交陪。

意見袂合、講毋著話，

親像針鑿心肝底。

著愛忍耐，毋通相害，

寬赦將一切化解。

3．培養憐憫慈愛，

給歹性地來拍敗。

毋管別人得失幾擺，

袂拾恨囥佇心內。

上帝顯出寬赦的愛，

將咱的罪㧒大海。

效法天父歡喜寬赦，

寬赦的愛上偉大。