7ǁÎ ǁKHĀǁKHĀǃÂS

Jehovaba khoe-i khami sorosa ūhâ?

ǀHURU RE

Jehova Elob xa du ga ǂâi o, o tae-e sadu ǂâis ǃnâ ra hā? Jehovaba sado xu kaise a ǃnū, ǀgamirodi a ǃnū khami? Mî i du nî, ǀgaisab a amagab a tsâsioǃnâsa, ǃgurub khami? Jehovaba amabes ǃnâ tsâsioǃnâb a? Jehovab ge Elobmîs ǃnâ-ū ǁîb di ǀgaugu xa ra mîba du. Tsî sado ra tsâba.

1. Tae-i xa du Eloba a mû ǁoa?

“Elob ge a Gaga.” (Johaneb 4:24) Jehovab ge khoe-i khami ī soro-e ūhâ tama. ǁÎb ge gaga hîna ǀhommi ǃnâ ra hâba. Tsî ǁîb ǁanǃkhaisa da ge a mû ǁoa.

2. Mâga a Jehovab di ǀgau?

Jehovab ge a mûhe ǁoa. Xawe ǁîba du ga ǂan o, o du ge ǁîba ra ǀnam, ǁîb ǀgaugu ǃaroma. Elobmîs ge ra mî: Jehovab ‘ge ǂhanu-aisiba a ǀnam, tsîb ge ǂhanu-aina ǁnāxū tide.’ (Psalmdi 37:28) Tsî ǁîb ge a ‘ǀkhomxa tsî a ǀkhomxaǂgao.’ ǁNān hîna ǃgoma ra tsân ǃoa-ai. (Jakobub 5:11) Jehovab ‘ge ǀgūse hâ, ǁnān khôaǂkhūsa ǂgaoga ūhâna, tsîb ge ǂkhabuǂâi hâna ra hui.’ (Psalmdi 34:18) ǂAn i du a, Jehovaba du ge sadu ra dī xūn ǀkha, a ǃgâiaǂgao kai ǁkhā. Tamas ka io a tsûtsû ǁkhā. Khoe-i hîna ǁgai xūna ra dī-i ge ǁîba a tsûaǂgao kai ǁkhā. (Psalmdi 78:40, 41) Xawe khoe-i hîna ǃgâi xūna ra dī-i ge ǁîba a ǃgâiaǂgao kai ǁkhā.—Khomai re ǂKhoamîdi 27:11 sa.

3. Jehovaba mati ra ǁgau ǀnam dub asa?

Jehovab di mâǂoara ǀgaub ge a ǀnam. Ama as ge ‘Elob a ǀnamsa.’ (1 Johaneb 4:8) Jehovab ge ǁîb di ǀnamma, Elobmîs ǃnâ-ū ǀgui ǁgau tama hâ. Xawe kurus ǃnâ-ūs tsîna. (Khomai re ǃNaeǃkhaidi 14:17 sa.) ǂÂi re, matib ge kuru dusa. ǁÎb ge kleurna mûs di ǁkhāsib ǀkha ge kuru du. ǃGâi musik-e ǃgâs tsî ǁkhoaxa ǂû-e ǂûs ǁkhāsib ǀkhab ge ge a kuru du. ǁÎb ge ǂkhî du nîsa ra ǂhâba.

ǃGAMSE ÔAǃNÂ RE

Jehovaba tae-e ge sîsen-ū, îsa xūnab gere kuru o. Tsî ǁkhāǁkhāsen re, matib, ǁîb ǃgâi ǀgauga ra ǁgausa.

4. ǃAnu gagab ge Elob ra sîsen-ū ǀgaiba

Sadu ǃomkha du ra sîsen i ǃgao sîsen-ū, khamib ge Jehovaba, ǁîb ǃanu gagaba ra sîsen-ū. Elobmîs ge ra mî, ǃanu gagab ge khoe tamaba. Xawe Jehovab ge ǃanu gagaba ra sîsen-ū xūna kurus ǃnâ. Khomai re Lukab 11:13 tsî ǃNaeǃkhaidi 2:17 sa. Tsî ǃnāka hâ dîra ǃhoaǃgao re:

Elob ge ǃanu gagaba nî “ǁhōǂui” ǁnān hîna ra ǂganan ai. Mî i du nî, ǃanu gagab a khoe di? Tamas ka io Elob ta sîsen-ū ǀgaib di? Tae-i xa du di ra mî?

Jehovab ge ǁîb di ǃanu gagaba ra sîsen-ū, ǁîb buruxa sîsenga dīs ǀkha. Khomai re Psalmdi 33:6 tsî 2 Petrub 1:20, 21 sa. Tsî ǃnāka hâ dîsa ǃhoaǃgao re:

Jehovaba mâ ǀgaugu ǃnâ, ǁîb ǃanu gagaba gere sîsen-ū?

5. Jehovab ge ǃgâi ǀgauga ūhâ

Moseb ge ge ǂgomǂgomsa ǃoaba-ao-i Elob diba. Xaweb ge noxoba Eloba ǃamkuse gere ǂan ǂgao. Moseb ge Elob ǃoa ge mî: “A ta ǂan sa daoba, î ta satsa ǂan.” (Eksodus 33:13) Jehovab ge Moseba, ǁîb di ǃgâi ǀgaugu xa ge mîba. Khomai re Eksodus 34:4-6 sa. Tsî ǃnāka hâ dîra ǃhoaǃgao re:

Jehovaba mâ ǀgaugu, ǁîb diga Moseba ge mîba?
Mâ ǀgaugu Jehovab diga ra mâǂoaba du?

6. Jehovab ge khoena ra tsâba

Elob di khoen ge Egypteb ǃnâ ǃgāse gere sîsen. ǁÎn gere hōǃâ ǃgomsin xa, Jehova Eloba mati gere tsâ? AUDIOBA ǀhuru re tsî ǁnāpaxū ǃgâ re, tamas ka io Eksodus 3:1-10 sa khomai re. Tsî ǃnāka hâ dîde ǃhoaǃgao re.

AUDIOB: Jehovab ge ǁîn di ǃgomsigu ǃnâ gere tsâba nî (2:45)

Nē ǃâba tae-e ra mîba du, Jehovab khoena ra tsâba ǀgaus xa?—Khomai re, 7ǁî tsî 8ǁî ǁaraǃāra.
Mî i du nî Jehovab, khoena ra hui ǂgaosa tsî nî huisa? Tae-i ǃaroma?