Elobmîs ge Elob di haisi-amsa ǃkhōǂgā hâ tamas ka io mîsa sada ǃaroma nētsē. ǁÎs ge ra ǁgau da mati da sada ûiba ǃgâise a ûi ǁkhā ǀgausa tsî mati da Elob di ǃgâiǃgâibasensa a hōǁkhā ǀgaus tsîna. ǁÎs ge saora dîdi ǃereamdi tsîna ra mā da:

Elobmîs ge 66 ǂkhari ǂkhanide xu hâ. ǁÎs ge ǀgam ǃâga ǃnâ a ǀgoraǂgāsa: Hebregowab-Aramaigowab Xoadi (“ǀOro Testamens”) tsî Grikegowab Xoadi (“ǀAsa Testamens”). Mâ Elobmîs ǂkhanis hoas ge danaǃâs tsî ǁaraǃās ǃnâ ǀgoraǂgāhe hâ. Xoadi ga ǁgaeǁgaesaosa ūhâ o, os ge ǂguro ǃgôab ǂkhanis di ǀons khaoǃgâ hâba danaǃâsa ra ǁgau, tsî saora ǃgôab tamas ka io ǃgôagu ge ǁaraǃās tamas ka io ǁaraǃādi ǃoa ra ǁnaeǁgau. Aiǁgause, Genesis 1:1 Genesis di 1 ge danaǃâs ǃoa ra ǁnaeǁgau, tsî 1 sa ǁaraǃās ǃoa.