1. 3 Johaneb 3, 4 ǃoagu tae-e ra ǂkhî kaida?

APOSTEL Johaneb ge kaise ge ǂkhî ǁîb ge amaba a ǁkhāǁkhā khoen ǂgomǂgomsase Jehovaba noxoba ra ǃoaba ǃkhaisab ge ǁnâu o. ǂGui ǃgomsinan gere hōǃâ amagab ge Johaneba ǃgarise gere sîsen īb nē ǂgomǂgomsa ǃgâsan hînab gagasi ǀgôan ase gere mûna hui tsî ǁîn ǂgomsa ǀgaiǀgai. ǁKhā ǀgaub ǃnâ da ge sida tsîna ra ǂkhî sida ǀgôan tamas ka io amaba da ge ǁkhāǁkhā khoen ǁîn ûiba Jehovaba māǁnâ tsî ǁîba ra ǃoaba ǀgara o.—Khomai re 3 Johaneb 3, 4.

2. Johaneb di ǂkhinide tae-i amsi ge xoahe?

² 98ǁÎ kurib ǃnâb ge Johaneba ǀnîsi Efeses ǃnâ tamas ka i o ǁnā ǃās ǀgūse ge ǁan hâ ī. Patmos di ǃkhōsisa xub ge ǂoa ǁaeb aib ge ǀnîsi ǁnāpa ge doe sī. ǁNā ǁaebaib ge Jehovab di ǃanu gagab xa doeǁgari-e hâse ǃnona sîǂkhanide ge xoa. Nē ǃnona ǂkhanidi ge ǂgomǂgomsa Xristeǁîna gere hui in ǁîn ǂgoms Jesub ǃnân ūhâsa ǀgaiǀgai tsî amab ǃnâ ǃgû ǀgara.

3. Mā dîde da nî ǃeream?

³ Johaneb ge ge ǀuniga apostel ī tsîb ge ǂhumi ǁkhāǁkhā aogu hîna ǀhaohâb ǃnâ ǂgâ tsî khoena ra ǂgaeǂhapugu xa gere ǂâiǂhansen. * (1Jhn. 2:18, 19, 26) Nē ǁnāǁgôa hâ khoen ge Eloban a ǂan di gere mî, xawen ge Jehovab di mîmāde ge ǁnâuǀnam tama hâ ī. Hare īda Jehovab ge Johaneb ǃnâ-ū a mā ǀapemāde ǃhoaǃgao. Nēsa da ra dīse da  ge ǃnona dîde nî ǃeream. Amab ǃnâ ǃgûsa tae-e ra ǂâibesen? Mā ǃgomsina da nî hōǃâ? Tsî mati da nî huigu amab ǃnâ hâ ǀgaras ǀkha?

4. 1 Johaneb 2:3-6 tsî 2 Johaneb 4, 6 ǃoagu tae-e da nî dī amab ǃnâ da ga ǃgû ǂgao o?

⁴ Amab ǃnâ da ga ǃgû ǂgao-o, o da ge Elobmîs ǃnâ hâ amaba nî ǂan. ǁNās xōǀkhā da ge Jehovab di ‘mîmāde nî sâubasen.’ ǁNās ge ǁîba ǁnâuǀnamsa. (Khomai re 1 Johaneb 2:3-6; 2 Johaneb 4, 6.) Jesub ge ge ǁgauda mati da Jehovaba nî ǁnâuǀnamsa. Jesub di aiǁgausa da ge ǁkhā da as kōse nî sao ǁnās ǃnâ-u da Jehovaba ra ǁnâuǀnam amaga.—Jhn. 8:29; 1Pet. 2:21.

5. Tae-e da nî ǂgom?

⁵ Amab ǃnâ da ga ǃgûǀgara ǂgao-o, o da ge nî ǂgom Jehovab hoaǁae amaba ra ǃhoasa tsî ǁîb mîs ǃnâb mî hâ xūn hoan a ama ǃkhaisa. Jesub a Mesia ǃkhais tsîna da ge nî ǂgom. Nētsēn ge ǂgui khoena Jesub ge Elob Gaosib di gao-aob ase a ǂkhauhe ǃkhaisa ǂgom tama hâ. Johaneb ge ge mî “ǂgui ǂgaeǂhapu-aon” ǁnā khoen hîna Jehovab tsî Jesub ǃnâ ǀgaisa ǂgomsa ūhâ tama hâna nî ǂgaeǂhapu ti. (2Jhn. 7-11) Johaneb ge ge xoa: “Mâba kha ǂhumi-aoba, ǁnāb ga ī tama io, Jesub a Xristu ǃkhaisa ra ǀūxūba?” (1Jhn. 2:22) Elobmîsa da ga ôaǃnâ o ǀgui da ge ǂgaeǂhapuhe tide. Nē-e da ga dī o, o da ge Jehovab tsî Jesub tsîna nî ǂan. (Jhn. 17:3) O ǀgui da ge nî ǂan amaba da ūhâsa.

6. Mā ǃgomsinan ǂkham ǃgâsana a hōǃâ ǁkhā?

⁶ Xristeǁîn ge nî ǂan în tā khoen di ǂâiǀgaugu xa ǂgaeǂhapuhe. (1Jhn. 2:26) ǂKham Xristeǁîn ge nē ǃgomsiba nî ǂanbasen. 25 Kurixa French ǃgâsas hîna Alexia * di ǀon hâs ge ra mî: “Skola ta gere ǂgâ o ta ge evolusib tsî khoen ǂaiǀgaugu tamas ka io ǁîn ǁkhāǁkhādi xas tsîna gere ǁkhāǁkhāhe, xawen ge nē xūna gere are kai te. ǀNî ǁaegu ai ī ge ǁkhāǁkhāhe ta gere xūna gere ǂgae te xawe ta ge Elobmîsa danahe mā tamase ti ǁgauǃnâ-aon ra ǁkhāǁkhāte xūna ge ūǃoa ǂgao tama hâ ī.” Life—How Did It Get Here? By Evolution or  by Creation? ti ǀon hâ ǂkhanisas ge Alexiasa ge ôaǃnâ. ǁAerob khaoǃgâs ge ge îganǀgē ǀû. Alexias ge ra mî: “Aitsama ôaǃnâ tsî ta ge ge mû Elobmîs amaba ūhâsa tsî ǁîs ra mî khami ta ga ûi-o, ta ǂkhîba nî ūhâsa.”

7. Tae-e xu da nî ǂgosen tsî tae-i ǃaroma?

⁷ Hoa Xristeǁîn, ǂkhaman tsî kairan tsîn hoan ge nî ǂanbasen īn tā Jehovaban ra ǃoaba khama dīsen tsî ǁkhā ǁaeb-ai ǃgâi tama xūna dī. Johaneb ge ge mî amab ǃnâ ǃgû tsî da ǁkhā ǁaeb ai ǁgauoǃnâ ûiba a ûi ǁoa ti. (1Jhn. 1:6) Jehovab sada ǀkha nî ǂkhîǂâixa ǃkhaisa da ga ǂhâba o da ge ǂâis ǃnâ nî ūhâ ǁîb dī da ra xu-ī hoa-e, hoa ǁae ra mûǃkhaisa. Nau khoen ga dī da ra xūna mû tama ī xaweb ge Jehovaba hoa xūna ra mû.—Heb. 4:13.

8. Tae-e xu da nî ǂgōsen?

⁸ Tā da ge ǃhūbaib ǁoreba ra mû khama sada tsîna ǁoreba nî mû. Apostel Johaneb ge ge mî: “ǁOre-i xare-e da ūhâ tama, ti da ga mîo, o da ge ǁî-aitsama ra ǂgaeǂhapusen.” (1Jhn. 1:8) Apostel Johaneb tsēdi ǃnân ge ǂgomsa xu ǁnāǁgôa hâ khoena gere mî, Elob ǂkhā hâ xūna dī tsîts noxoba ǁîb ǀkha a ǀhōsagu ǁkhā ti. Nētsē da ge khoen hîna ǁnati ra ǂâin ǀkha ra hâ. ǂGui khoen ge Elob ǃnân ra ǂgom ti ra mî, xawen ge ǁîn ǁoreba ra mû ǀgauba Jehovab ra mû ǀgaub ǀkha ǀgui tama hâ. ǃGōsase, ǁgoe ūgus xa ī ga hâ o. Jehovab ǁoreb ase ra mû xūnan ge ǁîna, aitsamats ǂgaots kara-o a ǁhui ǁkhā ti ra ūbasen.

9. ǂKham khoena mati ra ǀama Elobmîsa xun ge ǁkhāǁkhāsen xūnan ga dī o?

⁹ Kaise ī ge a ǃgom ǂkham Xristeǁîna ǃgâi ǂâiǀgauba ǁgoe-ūgus xa ūhâsa. ǁÎn di skolǀhōsan tamas ka io sîsen ǁare-aon Elobmîs ǂâiǀgauba nēs xa ūhâ tama amaga. Nēs ge Alexanderi ǀkha ge ī. ǁÎb ge ra mî: “Skoli ai di ge ǀnî ǀgôade tida  ǀkha gere ǁgoe ǂgao. ǁÎdi ge ge mî girlfriend-e ta ūhâ tama hîna ta ge ǁîde a ǂkhās ge ra ǂâibasen tida aorekhoegu ǀkha ǀgui ra ǁgoe ǂgao ti.” Nēti ǃgomsibats ga sats tsîna a hōǃâ o, ǂâis ǃnâ ǀgui ūhâ re, Elobmîs ǃnâts go ǁkhāǁkhāsen xūnats ga dī ǀgara o, ots sats xats ra ǂâiǀgaub, sa ǂurusib, sa tsâsigu, tsî Jehovab ǀkhats ūhâ ǀhosagusis tsîna ra ǁkhauba ǃkhaisa. Tsî ǁgâibats ra māǃoa ǁaeb hoabats ge saora ǃnās ǃgao ra ǀgaiǀgaisen. ǂÂis ǃnâ ūhâ re, ǃhūbaib ǁgoe-ūguba ra mû ǀgaus ge ǁGâuaba xu ra hā. Māǁnasen tamats ka i ots ge ‘ǂkhababa ra dan.’—1Jhn. 2:14.

10. 1 Johaneb 1:9 sa mati ra huida ida Jehovaba ǃanuǃgâi ǂâis ǀkha ǃoaba?

¹⁰ Jehovab ǀguib taen ǁoren ǃnaga ra ǁnāsa a mîǁgui ǁkhā ǃkhaisa da ge ra ūǃoa. Tsî da ge ǁkhā da as kōse ǁoreba xu ra hâbe. Xawe ǁore da ga ǁaeb ai da ge ǀgore tsî Jehovaba dī da go tsū xū-i xa ra mîba. (Khomai re 1 Johaneb 1:9) Tsî kai ǁore-e da ga dī o, o da ge ǀhaohâb ǃûi-aogu di huiba ra ôa, ǁîgu sida gu nî kōǃgâ ga Jehovab xa ǁgaumâihe hâ amaga. (Jak. 5:14-16) Xawe da ge tā ǀnai da ge dī ǁoren xa ǁaeb hoaba nî ǂâi. Tae-i ǃaroma? Sida ǀnamxaǃnâǁgûb ge ǁîb ôaba xoremarib ase a mā amaga, sida ǁoren nî ǀûbahēse. Jehovab ǃhausen ra khoenab ge nî ǀûba tira mî o, ob ge amabes ǃnâ ǁnāsa nî dī. ǁNā-amaga i ge xū-i hîna Jehovaba ǃanuǃgâi ǂâis ǀkha ǃoabasa nî ǁkhaeda-e a ǀkhai.—1Jhn. 2:1, 2, 12; 3:19, 20.

11. Mati da sida ǂgomsa nî khôa ǂâiǀgauga xu nî ǃûisen?

¹¹ ǂGomsa xu ǁnāǁgôa hâ khoen di ǂâiǀgauga xu da ge nî ǂgosen. Xristeǁî ǀhaohâb ge tsoatsoasa xub ge ǁGâuaba îganǀgē kaira ǂâide Elob di ǂgomǂgomsa khoen ǃnâ ra ǃhana. ǁNā-amaga da ge nî mûǃā, tae-i a ama tsî tae-i a ǂhomi  ǃkhaisa. * Sida ǃhui hâ khoen ge internets ain ra ǃnâo vidion, foton, tsî ǁnapan ra xoa xūn ǃnâ ǂhomiba ra ǃhoa, i da tā Jehovaba ǂgomǃgâ tsî sida di ǃgâsana ǀnam. Nē ǂhomib ge ǁGâuaba xu ra ǀkhī. Tā nē ǂhomiba ǂgom.—1Jhn. 4:1, 6; J.ǂHa. 12:9.

12. Tae-i ǃaroma da ǁkhāǁkhāsen da ge xūn ǃnâ da ūhâ ǂgomsa nî ǀgaiǀgai?

¹² ǁGâuab di ǁnāǂamde da ga māǃoa ǂgao o, o da ge Jesub tsî ǁîb Elob di ǂâibasens ǃnâ ra ǀhuru ǃâb ǃnâ ǂgomǃgâsiba nî omkhai. Tsî da ge Jehovab ǁîb ǀapeǂhumisa gu nî ǂgaeǂguiga ga ra sîsen-ū khoegu tsîn ǀguina nî ǂgomǃgâ. (Mat. 24:45-47) Elobmîsa da ga ǃnâs hoasa ôaǃnâ o da ge sida ūhâ ǂgomǃgâsiba ra omkhai. Os ge sida ǂgomsa hais hîna ǃgamse ǃhūb ǃnâ ra ǂgâ ǃnomaga ūhâs khama nî ī. Paulub ge ǁkhā xū-e ge mî Kolosenǁî ǀhaohâba ǃoab ge xoa o. ǁÎb ge ge mî: “Xristub Jesub ǃKhūba du ge ǃkhōǃoa khami; ǁîb ǃnâ tanisen re ǁîb ǃnâ ǃnomaǃnomahe tsî omkhâihe hâse, tsî ǂgoms ǃnâ ǁapoǁapohe hâse.” (Kol. 2:6, 7) ǁGâuab tsî ǁîba ra ǂkhâǃnâ khoen ge Xristeǁî-i hîna ǁî-i ǂgomsa ǀgaiǀgai hâ-e a ǁnobe kai ǁoa.—2Jhn. 8, 9.

13. Tae-e da nî ǃâubasen tsî tae-i ǃaroma?

¹³ ǃÂubasen da ge nî ǃhūbaib khoen xa da nî ǃhuihesa. (1Jhn. 3:13) Johaneb ge “ǃhūbaib hoaragab ǂkhabab ǃnâ ǁgoesa” ra hōhōǃnâ da. (1Jhn. 5:19) Nē ǃhūbaib di ǀams ra ǀgu toa khamib ge ǁGâuaba ob ra ǁaixa o ra ǁaixa. (J.ǂHa. 12:12) ǁÎb ge tsaura ǀgaub ǃnâ ǀaib tsî ǁnāǁgôa hâ khoen di ǂhomib ǃnâ-ū ǀgui ǁnāǂamda tama hâ xawe ǃoaǃūs tsîna ra ǁnāǂamda ǃgôaǃgôn di ǃnâ-ū. Sida aoǁnâ ǀû kai tsî sida ǂgomsa khôas ǃgaob ǃnubu ǁaerob ǀguipa ūhâ sab ge Satanna a ǂan. ǁNā-amaga da ge buru tama hâ sida ra dī xūn ǀnîn tamas ka i o hoan ǂgui ǃhūgu ǃnâ mā-am-e tama hâsa. Nēti i ga ī xawen ge sida di ǃgâsan hîna ǁnā ǃhūgu ǃnâ hâna ra māǀgai. ǁÎn ge ra ǁgau tae-i ǀgui-eb ga Satanna Jehovab khoena a dī xawen nî māǀgaisa.

14. Mati da nî dī i da sada ǃgâsana hui în amab ǃnâ hâ ǀgara?

¹⁴ Sida ǃgâsana da ga amab ǃnâ hâ ǀgaras ǀkha hui ǂgao o, o da ge tsâbaǁhaoxasiba nî ūhâ. (1Jhn. 3:10, 11, 16-18) Mâsib a ǃgâi ǁaeb ai ǀgui da ge sada ǃgâsana ǀnam ǂgao tama hâ xawe ǃgomsigu ga hâs tsîna. Aiǁgause, ǁōxuhe hâ ǃgâsa-ī hîna ǁkhaeǂgaos tsî huib tsîna ǂhâ hâ-e du a ǂan? ǃGâsan hîna ǃhūǂgubigu xa ǃaromahe hâse ūn ge hâ-i xūn hoana ǂoaǃnâ tsî ǀhû-omgu tamas ka i o ǁîn omna dī-unus ǀkha huiba ǂhâ hân xa du ge ǁnâu? Sada ǃgâsana da matikose a ǀnam tsîra tsâba ǃkhaisa da ge mî da ra xūn ǃnâ ǀgui ǁgau tama hâ xawe dī da ra xūn ǃnâs tsîna.

15. 1 Johaneb 4:7, 8 ǃoagu tae-e da nî dī?

¹⁵ Sida ǀnamxa ǃnâ ǀhomsi ǁgûba da ge ra ǁgae ǀnamgu da ga ra o. (Khomai re 1 Johaneb 4:7, 8) ǀÛbagu da ga ra o, o da ge ra ǁgau ama ǀnam gu ta a ǃkhaisa. Aiǁgause, khoe-i ge ǁaiǁaida tsî ǁnapaxu ǀûbaba a ǂgan ǁkhā. ǁNā khoe-e da a ǀnam ǃkhaisa da ge ra ǁgau ǀûba tsî da ga ǁnâ xū-e a ǀuru o. (Kol. 3:13) Aldo di ǀon hâ ǃgâsab ge ǁkhā ǃgomsiba ge hōǃâ, ǃgôab hâ ǃgâsab ge ǁîb ǃhaos xa ǁgai xūna a mî o. Aldob ge ra mî: “ǂGui ǃnāde ta ge  ǀgore tsî Jehovab ai huiba gere ǂgan ī ta tā nē ǃgâsab xa ǁgaise ǂâi.” Aldob ge ǀnî xū-i tsîna ge dī. ǃGâsabab ge ge ǂgan īkha ǀguiba si aoǁnâ. ǀGuiba khā hâ hînab ge Aldoba ǃgâsaba ge mîba, ǁîb ge mî xūn ge mati a tsâǀkhābi ǃkhaisa. “ǃGâsab ge tita ge ǁîb mîdi xa a tsâ ǀgauba a ǁnâu, ob ge ǀûbaba ge ǂgan. ǁÎb dommi ai ta ge gere ǁnâu ǂgaoba xub ǁgaise ra tsâsa mîb ge xūn ǃgao. ǁNās khaoǃgâ kham ge ǁkhapa ge ǃgâi ǀhosa kai,” dib ge Aldoba ra mî.

16-17. Tae-e da nî dī?

¹⁶ Apostel Johaneb ge ǁîb ǃgâsanab ge ǀnam ī amaga ǁîn gagasi mâsib xa kaise gere ǂâiǂhânsen. Nēsa da ge ǁîb di ǃnona sîǂkhanidi ǃnâ hâ ǀapemāde xu ra mû. Johaneb khama a ǀnam da tsî ra tsâba da khoen Jesub ǀkha sī nî ǂgaeǂgui ǃkhais ge ǃgâise ra tsâ kai da.—1Jhn. 2:27.

¹⁷ Nē da go ǃhoaǃgao ǀapemāde da ge ǂgaob ǀkha nî ūbasen. ǀKhī da amab ǃnâ ǃgû ǀgara tsî dī ta ra xūn hoan ǃnâ Jehovaba ǁnâuǀnam. ǁÎb mîsa ôaǃnâ tsî ǂgômǃgâ. Jesub ǃnâ ǀgaisa ǂgomsa om. Khoen ǁkhāǁkhādi tsî ǁnāǁgôa hâ khoen di ǂâi ǀgaub tsîna mâǃoa. Tā Jehovaba du ra ǃoaba khama dīsen tsî ǁkhā ǁaeb ai ǁîb ǂkhā hâ xūna dī tsî tā tsū xūna dīsa ra ǁgaridu khoena ǃgâ. Jehovab ǂhâba hâ khama ûi re. Sada ǃgâsan ga tsûtsûda o ǀûba nî tsî huiban ga ǂhâ o māxoǀkhā nî tsî huire sida ǃgâsana în māǀgai. Nē xūna da ga dī-o da ge ǃgomsina da ga hōǃâ xawe amab ǃnâ nî ǃgû ǀgara.