1. Jehovaba mati ra tsâ kā hâ gū-i ga oaǀkhī o?

ǃKHARU go ǁkhāǁkhāǃâs ǃnâ da ge go ǁkhāǁkhāsen, Jehovab ǃgâi ǃûi-aob hîna ǀnamxaǃgâ ǀgaub ǃnâ ǁîb gūna ra kōǃgâb ǀkha ra ǀgopeǀnōsen ǃkhaisa. Tsîb ge kā hâ gūn hoana ra ôa. “ǃHobasen tita ǃoa, o ta ge tita sadu ǃoa nî ǃhobasen” tib ge Jehovaba ǁîba ge ǃoaba ǀû Isrealǁîna ge mîba. “Tita ǃKhuta ǀkharaǀkharasen tama” tib da mî ǃkhâis ge ra ǁgau ǁîb noxopa di ra tsâsa. (Mal. 3:6, 7) Jesub ge ge mî Jehovab tsî ǀhomǃgāgu tsîn kai ǂkhîba ra hōǃgâ ǃkhaisa kā hâ gū-i ga oaǀkhī o.​—Luk. 15:10, 32.

2. Tae-e da nē ǁkhāǁkhāǃâs ǃnâ nî ǃhoaǃgao?

² Hare i da ǃnona ǂkhōdi Jesub di di hîna kā hâ gūna ôas ǀkha nî huidade ǃhoaǃgao. Nē gūna Jehovaba ǃoa oaǀkhī-ūs ǀkha nî huida ǂhâǂhâsa ǀgauga da ge nî ǃhoaǃgao. Tsî da ge nî mû ǂkhabu hâ ǃgâsana huis tae-i ǃaroma a ǂhâǂhâsa ǃkhaisa.

3-4. Lukab 15:8-10 ǃnâ ra ǃhoaǃgaohe khoesa tae-i ǃaroma ôasase ǁîs marisa gere ôa?

³ ǃGarise da ge nî sîsen i da Jehovaba ǃoa ra oaǀkhī ǂgao khoena ôa-ǂui. ǂKhōs hîna Lukab ǂkhanis ǃnâ hâs ǃnâb ge Jesuba khoes hîna ǂhâǂhâsa marisa ra ôasa ǃoa ra ǁnaeǁgau. Nē ǂkhōs ge khoes ge marisa ôasase gere ôa ǀgaub ai ǂâisa ra ǂnûi.​—Khomai re Lukab 15:8-10.

⁴ Jesub ge khoes hîna ǁîs di marisa ra hōs di tsâsiga ra ǁguiǃā. Jesub ge ûi hâ i ǁaeb ǃnâ di ge Jodeǁî ǁgûde ǁîdi ôade ǁîdi di ǃgammeb tsēs ai disi ǀurimaride gere mā. Nē maris hîna ge kās ge ǀnîsi ge ǁnā maridi di ǀgui i. Khoes ge maris ge ǃhūb ai ǁnā ti ge ǂâi. Nēs ǃaromas ge lampsa  ǃam tsî marisa gere ôa xawe xū-e ge mû tama hâ i. ǁÎs di oli lamps ge ǂaûsa ǃnāba ge mā tama hâ i tsîs ge ǁîs di ǀhaiǀuri marisa ge mûhō tama hâ i. Ēgas ge oms âsa ge ǀnapuǂuiǃnâ. ǀNapuǀhaos ge tsarab ǃnâ i ge ǁîs di ǀurimarisa, lamps di ǃnâb ǃnâ gere napa. ǁÎs ge kaise ge ǃgâiaǂgao tsî ǁîs di ǀhōsan tsî ǁanǁare-aon tsîna ǂgaiǀhao tsî nēs xa ge mîba.

5. Tae-i ǃaroma i a ǃgom ǁkhā ǁnān hîna ge ǀhaohâba xu hâbēna ôaǂuisa?

⁵ Jesub ge mā ǂkhōs ǃnâ da ge ra mû, kā hâ xū-e hōs ǃaroma da ǃgarise nî sîsensa. ǁKhā ǀgaub ǃnâ da ge ǀhaohâba xu ge ǂgae-oasen khoena da ga ôa o ǃgârise nî sîsen. ǂGui kurigu ge ge ǃkharu sida ǀkhan hâǀhao tama hîna. ǁÎn ge ǃgâsan a ǀū nî ǃkhai-e ǃoas tsîna ǀnîsi ge doe. Nēsis hoaragasan ge nē ǃgâsana Jehovaba ǃoa oaǀkhīsa ra ǁkhore. ǁÎn ge Jehovaba sada ǀkha ǀguiba ra ǃoaba ǂgao xawen ge sada huiba ǂhâ hâ.

6. ǀHaohâb ǃgâsan hôana mati ǃkhai hâ khoena ôaǂuis ǃnâ a hui ǁkhā?

⁶ Hamna ǃkhai hâ ǃgâsana ôas ǀkha a hui ǁkhā? Hoada ge nēs ǃnâ a ǃâ ǁkhā—ǀhaohâb ǃûi-aogu, aimâba-aon, ǀaokhoen tsî ǀhaohâb ǁanin tsîna. ǀHōsa-i tamas ka io ǀaokhoe-i hîna ǃkhai hâ-e du a ǂan? Tae-e da nî dī aoǁnâ da ra hîna da ga ǃkhai hâ khoe-e ǀhoa-ū o? Khoe-e mîba re ǀhaohâb ǃûi-aogu xa i ga sari-e ǂgao o du ǁî-i nomorsa ǁîga a mā ǁkhā khaisa.

7. Tae-e da Thomas di ǀon hâ ǀhaohâb ǃûi-aob di aiǁgausa xu a ǁkhāǁkhāsen ǁkhā?

⁷ Taena gu ǀhaohâb ǃûi-aoga ǃgōsase nî dī ǁnān hîna Jehovaba ǃoa ra oaǀkhī ǂgaona huis ǃnâ? Thomas di ǀon hâ ǀhaohâb ǃûi-aob hîna Spaini ǃnâ ra hâb ra mî xū-e kō re. * ǁÎb ge 40 ǀhûǀguitimî-aona ge hui în ǀhaohâba ǃoa oaǀkhī. Thomab ge ra mî: “ǂGuro ta ge ǃkharagaǃnâgu ǃgâsana ra dî ǃkhai hâ ǃgâsan mapa ra hâ ǃkhaisan a ǂansa, tamas ka i o ta ge aoǁnâ-aona ra dî ǃkhai hâ ǃgâsan hîna ge ǀhaode ǁhaoǃnâ ǀūnan a ǂan ǃkhaisa. ǃNāsan hîna ǀhaohâb ǃnâ han ge ǃgâise nēs xa ra tsâ ǁîn nēs ǃnâ ǃâ-e ra ǀhuru ǃkhaisa a ǂan amaga. ǁÎna ta ga sari o ta ge ǁîn di ôan tsî ǀaokhoen xa ra dî ǃnâ nî. ǀHaoden ge ǁîn di ǀgôan hîna ge ǁāǁnâsa tama aoǁnâ-ao-in ǀkhas tsîna gere ǁhaoǃnâ amaga. ǁÎn tsîn ge a hui-e ǁkhā în Jehovaba ǃoa oaǀkhī.”

8. Lukab 15:17-24 ǃnâ hâ ǂkhōs, kā hâ ǀgôab dis ǃnâb ǁgûba mati ǁîb ǀgôab, ǃhausen hâba ge ǃkhōǃoa?

⁸ Mâ ǀgauga da nî ūhâ Jehovab ǃoa ra oaǀkhī ǂgao khoena huis ǃaroma? Kō re tae-e da ǃgari dana ǀgôab, Jesub ǂkhōs ǃnâ hâb hîna ge omsa xu a īb aiǁgausa xu a ǁkhāǁkhāsen ǁkhā ǃkhaisa. (Khomai re Lukab 15:17-24.) Jesub ge ge mî nē ǀgôab ge mûǂan ǃkhaisa gâre mîǁguibab ge dīsa tsîb ge omsa ǃoa oasa. Nē ǀgôab ǁgûb ge ǁîb tawa ǃkhoesi, ǁnamǂgābi tsî ge ǁgau bi ǀnambib a ǃkhaisa. Nē ǀgôab ge dīb ge xūn ǃgao gere ǀabitsâsen tsî ǃkhōǃoaheb ge ǀgausab anu tama hâ khami gere tsâ. ǀGôab ge tsâb ra ǀgauba ǁgûba a mîba ob ge ǁgûba gere tsâbabi. Nēs khaoǃgâb ge ǁgûba xū-e ge dī ǁîb ôab oms ǀkha a oaǀkhī ǁkhā ǃkhaisa ra ǁgau-e. ǁÎb ge ǃgā-i ase ga hâ-ūhe tama hâ xawe ǀnamǀnamsa ǀgôab ase. Nēsa  ǁgaus ǃaromab ge ǁgûba ǁâudība dī tsî îsa sarana ǃhausen hâ ǀgôaba ge mā.

9. Mâ ǀgauga da nî ūhâ ǃkhai hâ ǃgâsana da ga Jehovaba ǃoa oaǀkhīs ǀkha a hui ǂgao o? (“ ǃKhai hâ ǃgâsan hîna Jehovaba ǃoa ra oaǀkhī ǂgaona da mati a hui ǁkhā?” di hâ boksisa mû re.)

⁹ Jehovab ge nē ǂkhōs ǃnâ hâ ǁgûb khami ī. ǁÎb ge ǃkhai hâ ǃgâsana a ǀnam tsî oaǀkhīn nî ǃkhaisa ǂhaba hâ. Jehovaba da ga ǁgae o, o da ge ǁîna a hui ǁkhā. Nēs ge ra ǂâibasen ǃnūǃnâxasib, tsâbaǁhaoxasib tsî ǀnammi tsîna da nî ūhâsa. Tae-i ǃaroma da nē ǀgauga nî ūhâ tsî nēsa da mati a dī ǁkhā?

10. ǃNūǃnâxasiba ūhâsa tae ǃâ-e gagasise ǃkhai hâ khoe-e huis ǃnâ ra ǀhuru?

¹⁰ ǃNūǃnâxasiba da ge nî ūhâ gagasise ǂūrus ǁaeba ra ū amaga. ǂGui ǃgâsan hîna ge ǃkhai hâ în ge ra mî ǂgui ǃnāden ǀhaohâb ǃûi-aogu tsî ǀhaohâb ǁanin xa sarihe hâ hîna ǀguin ge Jehovaba ǃoa oasa. Nancy di ǀon hâ ǃgâsas hîna Asiab ǃnâ ra hâs ge ra mî: “ǀGū ǀhōsas hîna ta ge ǀhaohâb ǃnâ ūhâ is ge tita kaise ge hui. ǁÎs ge tita ausis khami gere hâ-ū. ǁÎs ge ǁkhoaxa ǁaegu hînam ge ǃkharu ge ǁaeb ǃnâ ūhâ i gu xa gere ǂâi kai te. ǁÎs ge ti tsâsigu xa ta gere mîba si o ǃgâise gere ǃgâ tsî sau tamase gere dauǁgau te. ǁÎs ge kaise ge ǃgâi ǀhōsa-i tsî hoaǁae gere hui te.”

11. ǁAixa hâ khoe-e huis ǃaroma da tae-i ǃaroma tsâbaǁhaoxasiba ǂhâ hâ?

¹¹ Tsâba ǁhaoxasib ge ǀgaisa salf-i khami i tsî khoe-i ǂgaoba a ǂgauǂgau ǁkhā. ǀNî ǃkhai hâ ǃgâsan ge kuriga ǃkharu hâse ǀhaohâb ǃnâ hâ ǃgâsa-i xa ge tsûtsû-e  tsî nēsis kōse ǁaixa hâ. Nēs xa ǃaroma-e hâsen ge Jehovaba ǃoa oaǀkhī ǂgao tama hâ. ǀNîn ge ǂhanu tamasen ge hā-ū-e khami ra tsâ. ǀNîsin ge ǁîna ǃgâ tsî ǁîn tsâsiga nî ǁnâuǃā khoe-e ǂhâ hâ. (Jak. 1:19) Marías hîna ge ǃkhai hâ is ge ra mî: “ǃGâ te nî khoe-e ta ge gere oa, ā ta ga ǁaeb ai nî tsâba ǁhao te tsî daoǁgaude-e.”

12. Jehovab ǀnamma mati tsurib ǀkha a ǀgui?

¹² Elobmîs ge Jehovab ǁîb khoena ūba hâ ǀnamma tsurib ǀkha ra ǀgōpeǀnō. Mâ ǀgaub ǃnâb Elob ǀnamma tsurib ǀkha a ǀgui? Sao ra aiǁgaus xa ǂâi re, ǁaixa hâ hurib ǃnâ du ra āǁō hîna i ge khoe-e plastik jakets hîna ǁgammi ǀgapiga nî ūhâ dusa ra aoba du. Amase du ge nē huiba nî ǃgôaǃgâ ǁnā jakets kai huib ase nî ī amaga. Xawe nē jakets ge gaxuse ûitsamase ūhâ du tide. ǁGammi ge kaise a ǃkhai tsî du ge ǂgaus tawa du ga sī tama io a ǁō ǁkhā. Tsuriba aoba du tsî nî ǂgausa ǃoa ǂgae ǀgū du khoe-e du ge ǂhâ hâ. Jehovab ge ǃkhai hâ Israelǁîn xab gere ǃhoa o, o sao ra-e ge mî: “ǀnammi di tsurigu” ǀkha ta ge gere ǂgae nî. (Hos. 11:4) Elob ge nētsē ǁkhā ǀgaub ǃnâ ǁnān hîna ge ǁîba ǃoaba ǀû tsî ǃgomsigu xa ǃnamiǂgāhe hân xa ra tsâ. ǁÎb ge ǁînab a ǀnam ǃkhaisa ra ǁgau nî ǂgao tsî ǁîna ǁîba ǃoa ra ǂgaeǀgū ǂgao. ǁÎb ge sada ǃnâ-ū ǁîna ǁnā ǀnamma a ǁgau ǁkhā.

13. Pablob aiǁgausa mati ra ǁgau sada ǀnammi ǃgâsa-e a hui ǁkhā ǀgausa i-i Jehovaba ǃoa oaǀkhī?

¹³ ǃKhai hâ khoena Jehovab tsî sida a ǀnam nî ǃkhaisa ǃnās hoasa mîbas ge a  ǂhâǂhâsa. Pablob suid Amerikab ǃnâ ra hâb ge 30 kuriga ge ǃkhai hâ i. ǁÎb ge ra mî: “ǀGui ǁgoaga ta omsa xu ra ǂoaxa hînas ge tsaura, kaira ǃgâsasa ǀnamxa ǃnâ ǀgaub ǃnâ ti ǀkha ge ǃhoa. ǀGôaro-i khami ta ge ge ā tsoatsoa. ǁNā ǃgâsasa ta ge ge mîba Jehovab ǁîsa tita ǃoa sî hâ îs ti ǀkha ǃhoa khami ta gere tsâ ǃkhaisa. ǁNā ǁaeb ai ta ge ge mîmâi Jehovab ǃoa ta nî oasa.”

14. Lukab 15:4, 5 ǃnâ hâ ǂkhōs ǃnâb ǃûi-aoba kā hâ gū-eb ga hō o, o tae-e ra dī?

¹⁴ ǃKhai hâ ǃgâsana hui tsî ǂkhâǃnâs ǀkha da ge nî aiǃgû ǀhao-ū nî da ga o. Kā hâ ǀgôab hîna Jesub ǂkhōs ǃnâ hâb khamin ge ǂgui tsûga tani hâ. Tsî ǁGâuab ǃhūbaib ǃnân ge ǁae-e hâ i amagan ge Jehovab ǀgūsen ǂguro gere tsâ khami tsâ tide. ǁÎna da ge nî hui în Jehovab ǃnâ ǁkhawa ǂgomǃgâsiba omkhâi. Kā hâ gū-i ǂkhōs ǃnâb ge Jesuba matib ǃûi-aoba ǁnā gū-e ǃhōs ai ǁgui tsî nau gūna ǃoa ra oa-ū ǀgauba ra ǁguiǃā. ǃÛi-aob ge ǀgaib tsî ǁaeb tsîna ge sîsen-ū nē gū-e ôas ǃaroma. Xaweb ge ra mûǂan ǁî-eb nî tani-oa ǃkhaisa, aitsama i oahō tide amaga.​—Khomai re Lukab 15:4, 5.

15. Mati da ǂkhabusa khoen hîna Jehovaba ǃoa ra oaǀkhī ǂgaona a hui ǁkhā? (“ Kai huib ase ī ǂkhanib” di hâ boksisa mû re.)

¹⁵ ǁAeb tsî ǀgaib tsîna da ge ǂhâ hâ ǃkhai hâ khoe-e da ga ǁî-i di ǂkhabusasigu ǀkha hui ǂgao o. ǁÎna da ge Jehovab ǃanu gagab, ǁîb mîs tsî ǀapeǂhōmis ǃnâ-ū da ra hō ǂkhanin ǀkha a hui ǁkhā în gagasise ǀgai. (Rom. 15:1) Mati da nē xūna a sîsen-ū ǁkhā? ǃNāsa ǂansa  nēs xa ūhâ ǀhaohâb ǃûi-aob ge ra mî: “ǃNāsa ǃkhai hâ ǃgâsan ge Elobmîs ǁkhāǁkhāsa ǂhâ hâ Jehovaba ǃoan ga oaǀkhī ǂgao o.” * ǂGān-e o du ga o ǃkhai hâ ǃgâsa-i ǀkha Elobmîsa ǁkhāǁkhāsasensa, mati o du nēsa ǂgaob hoab ǀkha dī tama hâ? ǀHaohâb ǃûi-aob ge ǀaro tsî ra mî: “ǃGâsa i hîna ǃkhai hâ khoe-e Elobmîs ǁkhāǁkhāsa ra mā-i ge nî nē khoe-i di ǀhōsa kai tsî ǁî-i ǀkha hārase nî ǃhoa.”

16. Mati da a ǂan ǀhomǃgān nî hui da ǃkhaisa?

¹⁶ ǃKhai hâ khoen hîna Jehovaba ǃoa ra oaǀkhī ǂgaona da ra ôa ǁaeb ai gu ǀhomǃgāga ra hui da ǀgausa ra ǁgau aiǁgaude da ge ūhâ. (J.ǂHa. 14:6) Aiǁgause, Silviob hîna Ecuadors ǃnâ ra hâb ge Jehovaba ǃoa ge ǀgore îb ǁîba nî hui khoe-e sî ǀhaohâba ǃoa oas ǃaroma. ǀGoreb ra hîna kha ge ǀgam ǀhaohâb ǃûi-aokha ǁîb oms tawa ge sī. ǁNā ǁaeb ǂûb aikha ge ǁîba ǂhâb ge hâ i huiba ge mâ.

17. Tae ǀkhaega da ra hō gagasise ǃkhai hâ khoena da ga hui o?

¹⁷ Kaise da ge nî ǂkhî gagasise ǃkhai hâ ǃgâsana da ga Jehovaba ǃoa oaǀkhīs ǀkha hui o. Aimâba-aob Salvatori hîna ǃkhai hâ khoena huisa mîmâi hâb ge ra mî: “ǁAen ai ta ge ti ǁāmrona a ǃkhō-oa ǁoa. Kaise i ge ra ǂkhî kai te mûsa Jehovab ǁîb gūro-e ǁGâuab ǃhūbaiba xu ra oresa tsî ǁîb ǀkha nēs ǃnâ sîsenǀhaos ge aiǂhanub ase ī.”​—ǃNǃkh. 20:35.

18. ǃKhai hâ khoena tae ǂgomǃgâsiba a ūhâ ǁkhā?

¹⁸ Jehovab khoen ǀkha du ga hâ ǀû xawe du ge ǂâis ǃnâ nî ūhâ Jehovab noxoba a ǀnam du ǃkhaisa. ǁÎb ge ǁîba ǃoa du nî oaǀkhīsa ra ǂhaba. ǁÎba ǃoa oaǀkhīs ǃaroma du ge xū-e nî dī. Jesub ge mā ǂkhōs ǃnâ hâ ǁgûb khamib ge Jehovaba oaǀkhī du nî ǃkhaisa ǃâu hâ tsî ǀnamxaǃnâ ǀgaub ǃnâ nî ǃkhōǃoa du.