Kaise ǃamkuse du ǀasa ǃKhē xu ǂgō-omma khomai hâ? O mû re, sao ra dîde du a ǃeream ǁkhā ǃkhaisa:

Taena haka xūn hîna ǁnaesa a ǃgâiǃgâi ǁkhāna?

ǂGōse mâ tsî da ge sida ǁnaeǂkhanide ǀgapiga nî ūhâ, mîdi ǀnōb ǀkha. ǃAmkuse da ge nî ǀom. Sida amǃnâde da ga harase ǁkhowa-am tsî ga ra ǁnae o, o da ge ǃgarise a ǁnae ǁkhā.​—w17-E 11, p. 5.

Tae-e nî tsâǀkhā da ǃkhais tsî daogu hîna ǃhūsaben ǃādi ǀkha ǃkhōǀhaosade Israeli ǃnâ?

ǃNani ǃhūsabe ǃādi ge ge māsa i, ǃgâi daogu ǁnāǀî ra īgu ǀkha. ǂÂibasens ge ge i î-i khoe-e ǃhaese nē ǃāde hō.​—w17-E.11, p. 14.

Tae-i ǃaromab Xoremarib ǁguibas Jesub disa ǃgâi ǀkhaeb ase ī Eloba xu da ge hōba?

Xoremarib ge turaba ra mā da î da ûi ǂgao tsî sida ǂhâsib ǁoreb tsî ǁōba xu ǃnora kaihes diba dīǀoaǀoa. Elob ge Adammi ǀgôana a tsâba ǃkhais ǃgaob ge Jesuba ge mā ǁore-ao da a xawe.​—wp17-E.6, pp. 6-7.

Psalmdi 118:22 mati Jesub di khâisa ǃoa ra ǁnaeǁgau?

Jesub ge Mesiab ase ge ūǃoahe tama hâ i tsî ge ǃgamhe. “ǁHôaǀui” kaib nî ǃkhais ǃgaob ge khâisa ge māhe.​—w17-E.12, pp. 9-10.

Mesiaba ǃoa gere ǁnaeǁgau surib ǂgaekhâiba, ǂguroǃnaesaben ǃoagu ge ǂhanu i?

Jesuba ǃoa gere ǁnaeǁgau surib ge ǂguroǃnaesaben ǃnâ-ū gere ī, xawe nēs ge hoaǁae di ge hâ tama hâ i. Aiǁgause, Davib ge Isaib di ǂguroǃnaesabe ǀgôa tama ge ība, xaweb ge Mesiaba Davib suriba xu ra hā.​—w17-E.12, pp. 14-15.

Mâ tsoatsoade ǀaeǃkhōs ǃgao Elobmîs ǃnâ ra hōhe?

Moseb ǂHanub ǃnāgan ge ǀnî ǀaega ge ūhâ îna ǀguri hâ ǃkhai-i tawa gere hâ kaihe. Khoen ge ǁō hâ soro-en tsâǀkhā toa hâs khaoǃgâ ǁîn ǃomde gere ǁā. Nē ǂHanub tsîn ge ge ǂgaoǀkhā hâ i î-i khoe-e ǃgaro ǂnû toa i gere o, ǃkhaiba ǃamkuse xu. Aorekhoe soros aikhōb ge ǀgôarob ga ǁkhaisa tsēde ǃnaes khaoǃgâ gere ǃgaoǁnâhe. Nēs ge ge ǃgâi i ǀaob âu hîna.​—wp18-E.1, p. 7.

Tae-i ǃaroma i a ǃgâi î-i Xristeǁî-e aitsama ǀnamsen?

Sida ǀgūkhoena da ge sida a ǀnamsen khami nî ǀnam. (Mrk. 12:31) Aogu ge ǁîgu tarade nî ǀnam “ǁîgu sorodi ǂûdi khami.” (Efe. 5:28) Xawe aitsama ǀnamsens ge khoe-e a ǂgaeǂhapu ǁkhā.​—w18-E.01, p. 23.

Taena xūn hîna a hui da ǁkhāna î da gagasise aiǃgû?

Elobmîsa da ge khomai tsî khomai da ra xūna nî ǂâiǃgâ tsî nî ûiǂui. Sida ǂâis tsî ǂgaob tsîkha da ge nî mā-am î kha ǃanu gagab xa ǂgaeǂguihe. ǁNās xōǀkhā da ge nau hâ khoen huib tsîna nî ūǃoa.​—w18.02, p. 26

Tae-i ǃaroman ǀgamiro khomai-aon tsî aimûǀgaru-aon tsîna hānîǁaeba ǃgâise ǂan tama hâba?

ǂGui ǃaromadi ge hâ xawe Elobmîs ge hoa ǀgam ǀgauga mā-am tama hâ.​—wp18-E.2, pp. 4-5.

Mati da nî tanisen ǁkhauhe da ga ra o?

ǁKhauhe da ga ra o, o da ge sida mîs ai nî mâ. (Psa. 15:4) Tā da ge ǂanabega ǁkhauǂuisa nî mâiǂui. ǁKhau da go khoe-i ge ǀnîsi kaise ǃgarise sîsen hâ ǂû-e aiǂhomisa.​—w18.03, p. 18.

ǁGaumâisa-aoga tae-e Timoteuba xu a ǁkhāǁkhāsen ǁkhā?

Timoteub ge khoena gere kōǃgâ tsî gagasi xūna ǂgurose gere mâi. ǁÎb ge kaise ǃgarise gere sîsen ǁîb ǃoabas ǃnâ tsî ǁkhāǁkhāsen nî gere xūna gere ûiǂui. ǁÎb ge aitsama gere ǁkhāǁkhāsen tsî Jehovab gagab ai gere ǂgomaiǂnûi. ǀHaohâb ǃûi-aogu tsî naun tsîn ge ǁîb aiǁgausa a ǁgae ǁkhā.​—w18.04, pp. 13-14.