1-2. Axab tsî Maneseb ǁaegu tae ǃkharagagusi-e ge hâ i, tsî mâ dîde da nî ǃhoaǃgao?

HĀ RE î da ǀgam gao-aokha. Hîna ge ǃkharu ge ǁaeb ǃnâ ûi hâ i kha ǃoa kō. ǀGuib ge disi ǃhaodi Israeli di di ǂama gere ǂgaeǂgui. Naub ge ǀgam ǃhao ra Judab di ra ǂama gere ǂgaeǂgui. ǃKharagagu ǁaegu ai kha ge ûi hâ i xawe kha ge ǂgui xūna ǀguiti gere dī. Hoa gaokha ge Jehovab khoena ǁore kai tsî ǁîba gere mâǃoa. Hoakha ge ama tama Elona ǃoaba tsî ge ǃkham-ao i. Xawe i ge ǃkharagagusi-e nē ǀgam khoekha ǁaegub ǃnâ ge hâ i. ǀGuib ge tsū xūna dīs ǀkha ge aiǃgû ǁōb ges kōse. Naub ge ge ǃhausen tsî dīb ge ǁgai xūna ge ǀûbahe. ǁÎkha ge ham-i?

² ǁÎkha ge gaob Axab Israeli dib. Tsî gaob Manaseb Judab dib tsîkha. Nē ǀgam khoekha ǁaegu ge hâ i ǃkharagagusib ge. ǂHâǂhâsa xū-e a ǁkhāǁkhāda ǁkhā—ǃhausens xa. (ǃNǃkh. 17:30; Rom. 3:23) ǃHausensa a tae, tsî nēsa da mati ra ǁgau? Nēsa da ge nî ǂan Jehovab ǁore da ga o. Nî ǀûba da ǃkhaisa da ǂhâba hâ amaga. Nē dîs ǃereamsa hōs ǃaroma da ge nē ǀgam gaokha di ûikha nî ôaǃnâ. Tsî nî kō tae-e da ǁîkha di aiǁgausa xū a ǁkhāǁkhāsen ǁkhāsa. Tsî da ge nî Jesub ge tae-e ǃhausens xa ǁkhāǁkhāsa ǃoas tsîna nî kō.

3. Axaba ge tae ǃnôa gao-i?

³ Axab ge ge hûǁî gao-i disi ǃhaodi Israeli di di ǂama. ǁÎb ge Sodoni gaob ôas Isebelsa ge ǃgamme. Noordes di ǃkhū hâ ǃhaos disa. Axab ge Isebelsa ǃgamme ǃkhais ǃaroman  ge Israelǁîna mari-e ge kuru ǁkhā i. Nē ǃgammeb ge Israelǁaesa ǁkhapa Jehovab ǃoa ai ge ǁore kai. Isebels ge Baala gere ǃoaba tsî Axaba ge mîba îb nē ǃoabasa aiǃgû kai. Nē ǃoabas ge tempeli tawa ǁgoe-ūgus tsî ǀgôana ǁguibas tsîna ge ǃkhōǂgā hâ i. Isebels ge gao-i ǁaeb ǃnâ gu ge Jehovab kēbo-aogu hoaga ǁkhōǁkhōsasib ǃnâ ge hâ i. ǁÎs ge ǂguiga ge ǃgam kai. (1Gao. 18:13) Axab tsîn ge “ǃkhūb mûǁae a ǂkhabana gere dī. ǁÎb aiǃâ ge hâ igu hoagu ǂamai.” (1Gao. 16:30) Jehovab ge Axab tsî Isebels hâ ra gere dī xūna gere mû. Tsî ge ǂan i taena ra gere dīsa. Xawe Jehovab ge gere tsâba nî. Tsî Eliab tsî ǀnî hâ kēbo-aogu tsîna ge sî. Î gu sī khoena hui în Jehovaba ǃoaba. Xawe ra ge Axab tsî Isebel hâ ra ge ǂkhā.

4. Axab ǁkharaba ge tae-i, tsî matib ge nēs ǃoagu tanisen?

⁴ Jehovab ǃnūǃnâxasib ge ǀams kōse ge hā. Jehovab ge Eliaba ge sî îb sī Axab tsî Isebel hâ ra mîba ǁîb mati nî ǁkhara ra sa. ǁÎra surib hoab ge nî ǃgamhe. Eliab mîdi ge Axaba ǃgâi tamase ge tsâ kai. Buruxaseb ge nē ǀgapiǂâixa khoeba ge “ǃgamǃgamsen”.—1Gao. 21:19-29.

5-6. Mati da a ǂan Axab ge amabes ǃnâ ǃhausen tama hâ isa?

⁵ Axab ge ǁnā ǁaeb ai ǃhausen nî hâ ǃkhaisa ǁgau xawe. Î ge saoraseb ge dī xū-e amaseb ǃhausen tama hâsa ge ǁgau. ǁÎb ge Baali ǀgoreǀîsa ǁîb gaosiba xu ge ūbe ǂgao tama hâ i. Tsîb ge khoena ge ǂkhâǃnâ tama hâ i în Jehovaba ǃoaba. ǀNî xūn hînab ge Axaba a dīn tsîn ge ge ǁgau. Amabes ǃnâb ǃhausen tama hâ sa.

⁶ Egab ge Axaba Judab Gaob Josafata ge ǂgan. Îb Siriab ǃoa ai, ǃkhams ǃnâ ǁhaobi. Gaob Josafati ge ǃgâi gao ge i hîna Jehovab ǃnâ gere ǂgomma. Tsî ge mî îkha Jehovab kēbo-aoba dî tae-e kha nî dīsa. Nē ǃkhams ǀkha kha nî aiǃgûs aiǃgâ. Axab ge nēsa ge dī ǂgao tama hâ i tsî ge mî: “ǀNî aob ge hâ, ǁîba xub ga ǃKhūba dîheba. Xawe ta ge ǁkhan bi hâ, tita xab ǃgâi-i xare-e kēbo tama. Tsî ǂkhabab ǀguibab ra kēbo xui-ao.” Nēnab ge mî xawe kha ge kēbo-aob Mikajaba ge a dî. Axab ge ge ǂhanu i kēbo-aob ge ǃgâi tama xūna ge kēbo. Nē Axab ge ǃhausen tsî Jehovab ai ǀûbaba ge ǂgan tama hâ i. Xawe kēbo-aoba tronkhes ǃnâ ge aoǂgā. (1Gao. 22:7-9, 23, 27) Gaob ge Jehovab di kēbo-aoba trokhes ǃnâ aoǂgā. Xaweb ge kēbohe ge xūna īsa ge ǁkhae ǁoa i. Toroǃkhams ǃnâb ge Axaba ge ǃgamhe.—1Gao. 22:34-38.

7. Jehovaba Axaba tae ǃnôa khoeb ase ǁîb ǁōb khaoǃgâ ge ǁguiǃā?

⁷ Axab ge ǁōs khaoǃgâb ge Jehovaba matib ǁîb xa ra tsâsa ge mî. ǃGâi gaob Josefati ge ǁîb oms tawa sī toas khaoǃgâb ge. Jehovaba kēbo-aob Jehuba ge a sî. Îb sī mîbabi Axaba huis ge tsū isa. Jehovab kēbo-aob ge ge mî: ‘Eloxoresabats kha nî hui, tsî Jehovaba ǁkhan hâna nî ǀnam?’ (2Kro. 19:1, 2) Nēs xa ǂâi re: Axab ga amabes ǃnâ ǃhausen hâ o. Ob ge kēbo-aoba ǁgai khoeb hîna Jehovaba ǃhuisab ase ga mûbi tama hâ. Axab ge ǃhausen nî hâ di a mî xaweb ge. Amabes ǃnâ ge ǃhausen tama hâ i.

8. Tae-e da Axab aiǁgausa xu ǃhausens xa a ǁkhāǁkhāsen ǁkhā?

⁸ Tae-e da Axab di aiǁgausa xu a ǁkhāǁkhāsen ǁkhā? Eliab ge Axaba mîba o ǁîb surib nî hîkākāhesa, ob ge ge ǃgamǃgamsen. ǁNās ge ge ǃgâi tsoatsoa i. Xawe egab ge dī xūn ge ge ǁgau. Amabes ǃnâb ge ǃhausen tama hâ i sa. Ama ǃhausen da ga o, o da ge dī da go ǁoren.  ǃAroma da ra tsûaǂgao di ǀgui mî ǂgao tama hâ. Nēsi da ge Manaseb xa nî ǃhoaǃgao. Î da mû ama ǃhausens tae-e ra ǂâibasensa.

9. Gao-aob Manaseba ge tae ǃnôa gao-i?

⁹ Manaseb ge ge Judab di gao kai 200 kurigu khaoǃgâ. ǁÎb ǁoren ge ǀnîsi Axab di ǁoren xa ge tsū i. Khomai da ge ra: ‘Jehovab mûǁae a ǂkhabanab ge gere dī, ǁîbab nî ǁaibǀî ǂoeǂoese.’ (2Kro. 33:1-9) Manaseb ge altarde ama tama Eloga gere omba. Tsî ama tama Elo ǃoabas ǃaroma. Ai-īsib ǃanu paali tiba Jehovab tempeli tawa ge om. Nē paali ge ǁgoe-ūgub ǃoabasa gere ǂnûǁgaeba. ǁÎb ge ǃgaidib, aimûǀgarun tsî ǁgâuaǁkhāǁkhādi tsîna gere dī. ǁÎb ge “ǀhapio ǀaoba ge ǂnâxū.” ‘ǁÎb ôagab ge ǀaesa ge ǃgûǃganu kai.’ ǁÎn ge ǁgaiseb ge ǃgam khoen ǁaegu ge hâ i. Nēsab ge ama tama Elogu di ǁguibas ǃgao gere dī.—2Gao. 21:6, 7, 10, 11, 16.

10. Jehovaba mati Manaseba ge ǁnama tsî gaoba nēs ǃoagu mati ge tanisen?

¹⁰ Axab khamib ge Manaseba Jehovab ge ǁîb kēbo-aogu ǃnâ-u. Sîbabi ǃkhâikhomde ge ǃgâ tama hâ i. “ǁNā-amagab ge ǃKhūba ǁnā toroǂamsagu. Asiriab di gao-aob ūhâga. ǁÎn ǂama ge hā kai, ǁîgu Manaseba ǁkhūdi ǃgao ge ǃkhōga. Tsî gu ge ǁîba ǀgam ǂaiǁkhamkha ǀkha ǃgae tsî Babilons ǃoa ge ūǃgû.” Babilons ǃnâb ǃkhōsis ǃnâ hâ hînab ge Manaseba dīb ge xūn xa ǃgâise ge ǂâiǃgâ. ǁÎb ge ‘ǁîb îgu di Elob di ais aiǃâ ge ǃgamǃgamsen.’ ǁÎb ge ǃnāsa-e ge dī. ‘Jehova Elobab ge ge ǀkhomabasen îb ǁnâu-e.’ Manaseb ge ‘ǀgores ǀkha ge aiǃgû.’ Nē ǁgai khoeb ge gere dī-ūnusen. ǁÎb ge ge ǀkhoma îb Jehovaba ǁîb ‘Elob ase mû.’ Tsîb ge ǀûs ose ǁîba ǃoa ge ǀgore.—2Kro. 33:10-13.

11. 2 Kroniks 33:15, 16 ǃoagub Manaseba mati ama ǃhausen nî hâ ǃkhaisa ge ǁgau?

¹¹ ǁAeb aib ge Jehovaba Manaseb di ǀgorede ge ǁnâu-am. Nē khoeb gere ǁîb ǂgaob ǃnâ dī ǀkharaǀkharanab ge. ǁÎb di ǀgoredi ǃnâ ge mû ǁkhā i. Jehovab ge Manaseba ǃoa ge ǃgâ ǀûbaheb nîgab gere ǀgore o. Tsî ǁkhapa ge gao kaibi. Manaseb ge nē aiǂhanuba ū tsî. Amabes ǃnâb ǃhausen hâ ǃkhaisa ge ǁgau. ǁÎb ge Axab ge dī tama hâ i xū-e ge dī. ǁÎb ûiǀgaubab ge ge ǀkharaǀkhara. ǁÎb ge ama tama ǃoabasa mâǃoa. Tsî khoena gere ǂkhâǃnâ în Jehovaba ǃoaba. (Khomai re 2 Kroniks 33:15, 16 sa.) Manaseb ge ǁkhoaǂgaosib tsî ǂgoms tsîna ge ǂhâ hâ i. ǃHauseni nîs aiǃgâb ge ǁgai aiǁgausa ǁîb omaris. ǁÎb sîsen-aon tsî khoena ǂgui kuriga a ǁgau amaga. ǁÎb di kairasis ǃnâb ge Manaseba ǁîb ge ǃaroma ǃgomsina gere dī-ūnu. ǁÎb ge ǁîb di ǂkham ǁnurisab Josiaba ǃgâi aiǁgaus  ase ge ība i. Hîna ge ega a ǃgâi gao kaiba.—2Gao. 22:1, 2.

12. Manaseb aiǁgausa tae-e ǃhausens xa a ǁkhāǁkhā da ǁkhā?

¹² Tae-e da Manaseb di aiǁgausa xu a ǁkhāǁkhāsen ǁkhā? ǁÎb ge ǃgamǃgamsen tsî ǃnāsa-e ge dī. ǁÎb ge ǀgore tsî ǀûbahesa gere ǀkhoma. ǁÎb tanisen ǀgaubab ge ge ǀkharaǀkhara. ǁÎb ge ǃgarise gere sîsen dīb ge tsū xūna dī-ūnus ǃaroma. Tsîb ge hoa xūna ǃgâise gere dī îb Jehovaba ǃgâise ǃoabasa. Tsî nau khoena gere ǂkhâǃnâ în ǁkhā xū-e dī. Manaseb aiǁgaus ge kaise tsū ǁorena dī hâ khoen tsîna a hui ǁkhā. Mû da ge ra Jehovab a ‘ǃgâi tsî ǀûbaǀnamxasa.’ (Psa. 86:5) Jehovab ge ǁnān hîna amabes ǃnâ ǃhausen hâna nî ǀûba.

13. Aiǁgau-e mā re ama ǃhausens ǂhâǂhâsasiba ra ǁgau-e?

¹³ Manaseb ge ǃnāsa-e ge dī ǁîb ǁoren xab ǃhausen hâ di ǀgui mîs xa. Nēs ge ǂhâǂhâsa xū-e, ama ǃhausens xa ra ǁkhāǁkhā da. Sao ra ǂkhōs xa ǂâi re. Bakerisa ǃoa ī tsî du ge koeksa ra sī ǂgan. Koeksab nî mā du se ī hînab ge stors ǃnâ mâ khoeba ǃupuna ra mâ du. Nēs ǀkha du nî ǂkhî? Hî-î. Stors ǃnâ mâ khoeb ga ǃupu-i ge ǂhâǂhâsa xū-e koek-i ǃnâ. Di a mîba du o, o du nî ǂkhî? ǁKhāba, hî-î. ǁKhā ǀgaub ǃnâb ge Jehovaba ǂhâba hâ. Î i ǁore-ao e amabes ǃnâ ǃhausen. ǁOre-ao i ga ǁî-i ǁoren ǃaroma tsūse tsâ o. O gu ge nē tsâsiga a ǃgâi ǃhausens ǃaroma. Xawe ǃhausens ge tsūse tsâs ǀguisa ǃkhōǂgā tama hâ. ǁOre-ao e tae-e noxoba nî dī? ǂHâǂhâsa xū-e da ge Jesub di ǂkhōsa xu ra ǁkhāǁkhāsen.

14. Jesub ǂkhōs ǃnâ hâ, kā hâ ǀgôaba mati ǂguro xū-i ǃhausen di-e ge ǁgau?

¹⁴ Jesub ge ǂkhâǃnâ ra ǂhôas kā hâ ǀgôab dis xa Lukab 15:11-32 ǃnâ ra ǃhoa. ǂKhamkhoeb ge ǁgûba mâǃoa tsî omsa xu ra ī. Tsî ‘ǃnū ǃhūba’ ǃoa ra doe. ǁNapab ge ǁgai ûiba ge ûi hâ i. Xawe ûib ge ǃgom tsoatsoa o, ob ge dīb ge ǁgai xūn xa ge ǂâi tsoatsoa. Tsîb ge ge mûǂan ǁîb ûib ge ǃgâi isa. ǁÎb ǁgûb oms tawab ge hâ io. Jesub ge ge mî “ob ge ge ǂâi-oa.” ǁÎb ge ge mîmâi omsa ǃoa oa tsî ǁîb ǁgûb ai ǀûbaba ǂgansa. ǂHâǂhâsa i ge a ǀgôab ge mûǂansa ǂgui ǁgai mîǁguigab ge dīsa. Xawe nēs ge ge ǂâu tama hâ i. ǁÎb tanisen ǀgaubab nî ǀkharaǀkhara ge is ge.

15. Kā hâ ǀgôab di ǂkhōs Jesub dis ǃnâb, nē ǀgôaba mati ama ǃhausen nî hâ ǃkhaisa ra ǁgau?

¹⁵ Kā ge hâ i ǀgôab ge ama ǃhausensa dīb ge xūn ǃgao ge ǁgau. ǁÎb ge omsa ǃoa ge a oa. ǁÎb ǁgûba ǃoab ge ge mî: “Ti îtse, ǁore ta go ǀhommi ǃoagu tsî sats aiǃâ, tsî ta anu tama, ǃaruǀî sa ôase ǂgaihesa.” (Luk. 15:21) ǂKhamkhoeb ǂgaoba xu hâ mîdi ge ge ǁgau. Jehovab ǀkhab  ūhâ ǀhōsagusisab ra dī-ūnu ǂgaosa. Tsîb ge ge mûǂna ǁÎb ge dī ǁgai mîǁguigu ǁîb ǁgûba ge tsūtsūsa. Māsenxab ge ge i ǃgarise sîsensa. Îb ǁîb ǁgûb ǀkhab ūhâ ǀhōsagusisa ǃgâiǃgâi. Nēsa dīs ǃaromab ge ge māsenxa-i ǃgān di ǀgui-i ase mûhesa. (Luk. 15:19) Nē ǂkhōs ge ǀhaohâb ǃûi-aoga kaise a hui ǁkhā. Nē ǂkhōs ge nî hui gu ǂanǂuisa. Tsū ǁore-e dī hâ khoe-i amabes ǃnâ ǃhausen hâsa.

16. Tae-i ǃaroma i a ǃgom ǁkhā ǀhaohâb ǃûi-aoga ǂansa khoe-e amabes ǃnâ ǃhausen hâsa?

¹⁶ Supu tama i ge hâ ǀhaohâb ǃûi-aoga ǂansa. Tsū ǁore-e dī hâ khoe-i amabes ǃnâ ǃhausen hâsa. Tae-i ǃaroma? ǀHaohâb ǃûi-aogu ge ǂgaoga a khomai ǁoa. ǁNā-amaga gu ge khoe-i di tanisen ǀgauba ǃoa nî kō. ǀKharaǀkharasen i go sa mûs ǃaroma. ǀNî ǁhōgu ǃnâ i ge khoe-e kaise ǁgai ǁore-e dī hâ. Tsî gu ge ǀhaohâb ǃûi-aoga a mî ǁoa nē khoe-i amabes ǃnâ ǃhausen hâsa.

17. (a) Tae aiǁgau-e ra ǁgau ǃhausen hâ di ra mî khoe-i amabes ǃnâ ǃhausen tama sa? (b)  2 Korinteǁîn 7:11 ǃnâ i ra ǁgau-e khami ama ǃhausen hâ khoe-e xu tae-e ra ǂgaoǀkhā-e?

¹⁷ Sao ra aiǁgaus xa ǂâi re. ǃGâsab ge ǂgui kuriga ǃgammeb ǃgauga gere ǀai. Huiba ǂgans xab ge nēsa ge sâu. ǁÎb kaikhoes, ǀhōsan tsî ǀhaohâb ǃûi-aoga xu. ǀAms ai gu ge ǀhaohâb ǃûi-aoga ge ǂanǂui tae-eb dī hâsa. ǀHaohâb ǃûi-aogu ge mîbabi o, dīb hâ ǁoreb xa gu ǂansa. Ob ge nēs a amasa ūǃoa tsî ǃhausen hâse gere mûsen. Xawe nēsa ra ǁgau ǁîb ǃhausen hâsa? Hî-i. ǀHaohâb ǃûi-aogu hîna nē ǁhōb ai ra sîsen gu ge ǃhausens xa ǃnāsa-e nî mû ǂgao. Nē khoeb ge tsū ǁore-e dīsab ge ǃkhais. ǃAroma ǀgui ǃnās ǀguisa ge dī tama hâ i. Xawe nēsa ǂgui kuriga gere dī. Nē khoeb ge ǁîb ǁoreba aitsama ge ǂoaxa u tama hâ i. Xawe i ge ǀnî hâ khoe-e ǂanǂui tsî nēsa ǀhaohâb ǃûi-aoga ge mîba. Nēs ǃaroma gu ge ǀhaohâb ǃûi-aoga ama ǃhausen nî hâsa. ǁÎb ǂâiǀgaub tsâsigu tsî tanisen ǀgaub ǃnâ nî mû. (Khomai re 2 Korinteǁîn 7:11 sa.) ǁAeba i ge nî ū nē khoeba ǀkharaǀkharana dīsa. ǁGau ra na amabes ǃnâb ǃhausen hâsa. ǀNîsib ge Xristeǁî ǀhaohâba xu a ǂoa kaihe ǁkhā ǁaeba.—1Kor. 5:11-13; 6:9, 10.

18. ǂNûiǂuihe hâ khoe-e mati ama ǃhausen i hâ ǃkhaisa a ǁgau ǁkhā. Tsî tae ǀamǂoas ǀkha?

¹⁸ ǀHaohâba xu ǂnûiǂuihe hâ khoe-e ama ǃhausen i hâ ǃkhaisa ǁgaus ǃaroma i ge. ǀHaode hoaǁae nî ǁhao ǃnâ. Tsî i ge ǀhaohâb ǃûi-aogu daoǁgausa nî sao. Hoaǁae ǀgores tsî Elobmîsa ôaǃnâs disa. Tsî i ge ǁkhapa ǁore kai nî ǁkhā xūna xu nî hâbē. ǃGarise i ga dītsâ ǁî-i Jehovab ǀkha ūhâ ǀhōsagusisa dī-ūnusa. O i ge a ǂan ǁkhā Jehovab amabes ǃnâ nî ǀûba nîsa.  Tsî ǀhaohâb ǃûi-aogu ge ǀhaohâb di ǃâ kais ǀkha nî hui nî. ǀHaohâb ǃûi-aogu ga khoe-i amabes ǃnâ ǃhausen hâsa ǂanǂui ǂgao o. O gu ge mā ǁhōb hoaba ǃkharagaguse ra sîsenǂam. ǁNā-amaga gu ge mâ ǁhōb hoaba ǃgâise ra ôaǃnâ.

19. Ama ǃhausensa tae-e ra ǂâibasen? (Esegieli 33:14-16)

¹⁹ ǁKhāǁkhāsen da go khamis ge ǃhausensa. Sada ǁoren ǃgao da ǃhausen hâ di ǀgui mîs xa ǃnāsa-e ǃkhōǂgā hâ. Nēs ge sada ǂâiǀgaub tsî ǂgaob tsî dī da ra xūn ǃnâ. ǀKharaǀkharana ǁgausa ǃkhōǂgā hâ. Nēs ge sada ǁgai ǀgauga ǀam kai. Tsî Jehovab ǁgaraga ǁkhapa ǁnâuǀnamsa ǃkhōǂgā hâ. (Khomai re Esegieli 33:14-16 sa.) ǁOre-ao i ǃaroma a ǂhâǂhâsa xū-i ge. Jehovab ǀkha i ūhâ ǀhōsagusisa ǃgâiǃgâisa.

20-21. Mati da khoe-i hîna tsū ǁore-e dī hâ-e a hui ǁkhā?

²⁰ Jesub ge ǂhâǂhâsa xū-e ǁîb di aoǁnâ sîsen-i xa ge ǁguiǃā. Mîb ge o: “Xawe ǁore-aona ta nî ǃhobasens ǃoa ǂgaise ta ge ge hā.” (Luk. 5:32) ǁNāb tsîn ge nî sida di tura. Tae-e da nî dī sada di ǀgū ǀhōsa-i ga tsū ǁore-e a dī o?

²¹ Sadu ǀhōsa-e du ge a tsûtsû ǁkhā ǁî-i di ǁoreba du ga sâu ǂgao o. ǁOre-e da ge a sâu ǁoa. Jehovab hoana ra mû amaga. (ǂKhm. 5:21, 22; 28:13) Sadu ǀhōsa-e du ge a hui ǁkhā. ǁÎ-e mîbas ǃnâ-ū, ǀhaohâb ǃûi-aogu ra ǁî-e hui ǂgaosa. Sadu ǀhōsa-i ga ǂkhā o, ǀhaohâb ǃûi-aoga ǁî-i ǁore-e mîbasa. O du ge sado ǀhaohâb ǃûi-aoga nî mîba. Nēs ǃnâ-u du ge ra ǁgau sadu ǀhōsa-e du amabes ǃnâ ra hui ǂgaosa. Nēs ge kaise a ǂhâǂhâsa huiba i ga hō tama i. Tsî ǃhausen tama i ga, io i Jehovab ǀkha i ūhâ. ǀHōsagusisa a ǂoaǃnâ ǁkhā amaga.

22. Tae-e da sao ra ǁkhāǁkhāǃâs ǃnâ nî ǃhoaǃgao?

²² Tae-e a īǁkhā ǁore-ao i ga kaise tsū ǁore-e ǂgui kurina dī. Tsî gu ga ǀhaohâb ǃûi-aoga ǁî-e ǂnûiǂui o? Nēsa ra ǂâibasen nē khoe-e gu tsâba tama hâ di? Sao ra ǁkhāǁkhāǃâs ǃnâ da ge. Jehovab ǀûbaǀnamxasib hînab ra ǁgaub ǁnamab ga ob ǃoa nî kō. Tsî mati da nēsa a ǁgae ǁkhāsa.