“SAGO DI ǀguib ga ra ǂkhā o, Franci. Tamas ga io Englandi ǃoagu ǃkhamsa, o go ge sago haogo nî ǁō.” Dib ge Nazi toro ǃkham-aogu di danaba. Jehovab ǃoaba-aon di groeps khoena ǃoa ǃgarise ge ǃhao. ǃHubaib ǂhawase ge hâ i, 2ǁî torob ǃnâ. Nazis di solda gu ge ǀgūse ǃapugu ǀkha ǃâu hâ i. Xawe gu ge sada ǃgâsaga ge māǁnâsen tama hâ i. ǁNā-i ge kaise ǁkhoaǂgaoxa xū-i hîna gu ge dī-e. Nēs ge kaise ǃgâi aiǁgausa, matin Jehovab ǃoaba-aona toroba ra mû ǀgaus diba: Sida ge nē ǃhūbaib di toro gu ǃnâ ǃkhamsa ra ǂkhā. ǁŌb ǀkha da ga ra ǁgarihe, xawe da ge ǀkhāhe ǁhûi tamase ra hâ.

1. ELOB ǃOABAN-AON HOAN GE GE ǀGUI ǁAES DI I

ǃKharu gere ǁaeb ǃnâb ge Jehovaba ǀgui ǁaesa ge ǁhûi. În ǁîb di khoe kai, nēs ge Israelǁaesa. ǁÎb ge Israelǁîna ti ‘ǂhunuma khoen, ǁaedi hoadi ǃgâ-ai.’ di ge ǂgai. (Eks. 19:5) Elob ge ǁîna ǁgaumâisa ǃhūb tsîna ge mā. Elob ge Israelǁaesa gere mîmā, în nau ǁaedi ǃoagu toroba ǃkham. On ge nau ǃoaba-aon Jehovab din ǃoagu ge ǃgam tama hâ i. *

Nētsēn ge Jehovab di ǃoaba-aona. “Hoaraga ǁaedi, ǃhaodi, khoen tsî gowaga xu” ra ǀkhī. (J.ǂHa. 7:9) Elob di khoen ga torob ǃnâ  nî ǁhaos ga o, on ge ǁîn ǃoagu nî ǃkhamgu. Tsî ǁîn ǀkha ǀguiba ra ǃoaba ǃgâsan tsîna nî ǃgam.

2. JEHOVAB GE ISRAELǁÎNA GE MÎMĀ ÎN TOROGA ǃKHAM

ǃKharugere ǁaeb ǃnâb ge Jehovaba gere mîǁgui, mâ ǁaeb. Tsî tae-i ǃaroma i ge ǂhâbasa isa Israelǁîna toroba ǃoa īsa. Aiǁgauseb ge Eloba Israelǁîna ge mîba, în ǃkham. ǁÎb di ǀgoraǃgâsan Kanaanǁîn ai nî hauga. ǁÎn ge ge ǂansa i, ǁîn di demon ǃoaba di. Uiuixa ǁgoe-ugub tsî ǀgôan ǁguibadi ǃgao. Jehovab ge Israelǁîna ge mîmā, în khoen hîna ge mîmâisa ǃhūb ǃnâ. Eloxoresa xūna gere dīna hîkākā, în Israelǁîn tsîna tā nē ǁgai xūna dī tsoatsoa. (Lev. 18:24, 25) Israelǁîn ge mîmâisa ǃhūb ǃnâ ǁān toas khaoǃgâb ge Eloba. ǀNî ǁaegu ai ǁîna gere mîba în toroba ǃoa ī. Tsî Israelǁîna ǁgâiǀā ra khākhoena xu ǁkhauba. (2Sam. 5:17-25) Xawe Jehovab ge Israelǁîna tātsē ge mā-am tama hâ i, în toroba ǃoa īsa aitsama mîǁgui. ǁNāsan gere dī, os ge ǀamǂoasa kaise ge ǁgai i.—Num. 14:41-45; 2Kro. 35:20-24.

Nētsēb ge Jehovaba khoena mîba tama hâ, în toroba ǃoa ī. Nētsē di ge ǁaedi khoena, ǂhâban hâ xūn ǃaroma ra ǃkham. Tsî Elob ǂhâba hâ xūn ǃgaos ose. ǁÎn ge toroga ra tsoatsoa, ǃnāsa ǃhūban ǂhâba hâ. Tsîn kai mari-e ra kuru ǂgao. Tamas ka ion politiks ǂâi ǀgauga ra aiǃgû kai ǂgao ǃkhais ǃaroma. Xawe mati ǁnān hîna Elob di ǀons tamas ka io ǁîn di ǃoabasa ǁkhauba. Tsî Elob khākhoena ǃgams ǃaroman ge ra ǃkham di ra mîn xa? Jehovab ge ǁîb di ama ǃoaba-aona nî ǁkhauba. Tsî ǁîb khākhoena nî hîkākā, hānîǁaeb di torob ǃnâ. Nē torob ge ǃkhams Armagedons disa. (J.ǂHa. 16:14, 16) Nē torob ǃnâ i ge Elob di toro ǃkham-aona, gagasi kurusabena xu ǀgui nî hâ. ǁÎb di khoesi ǃoaba-aon ose.—J.ǂHa. 19:11-15.

3. ISRAELǁÎN GE JEHOVAB ǃN GE ǂGOMSA GERE ǁGAUNA GE ǃGAM TAMA H I

ǃKharu gere ǁaeb ǃnâ gu ge Israelǁî toro ǃkham-aoga. ǁNān hîna ge Jehovab ǃnâ gere ǂgom na, ǀkhomxaǂgaosiba gere ǁgau. Tsî ǁōban  anuhâse ge Jehovab xa gere ǀgoraǃgâhen, ǀguina gere ǃgam. ǀGam aiǁgau ra kō re. Jehovab ge Israelǁîna a mîba, îs Jerixosa hîkākāhe. Xawes ge Raxabs tsî ǁîs omaris tsîna ǁîs ǂgoms ǃaroma ge sâuhe. (Jos. 2:9-16; 6:16, 17) Egas ge Gibeonǁîn di ǃās hoasa ge sâuhe. Jehovaban ge ǃgôaǃgâsiba ǁgau toas khaoǃgâ.—Jos. 9:3-9, 17-19.

Nētsēs di toro ǃkham-aogu ge sâu tama hâ, khoen hîna ǂgomsa ūhâna ǃgamsa. Tamas ka io ǁnān hîna solda tamana.

4. ISRAELǁÎN GE ELOB ǂHANUGU, TOROB ǃAROMA HÂ GA NÎ SAO GE IS GE

ǃKharu gere ǁaeb ǃnâb ge Jehovaba. Israelǁî toro ǃkham-aoga gere ǂgaoǀkhā, î gu. Toroga ǁîb di daoǁgaudi ǃoagu ǃkham. Aiǁgause, ǀnî ǁaegu aib ge Jehovaba ǁîga gere ǂgān. Îs mâǃoa ra ǃāsa “ǂkhîb ǃnâ māǁnâsen.” (Deu. 20:10) Jehovab ge Israelǁî toro ǃkham-aoga xus tsîna gere ǂgaoǀkhā, î gu ǁîgu. Tsî hâǃnâ gu ra kampi tsîna sorosise ǃanu. Tsî Jehovab di ǂhanu gu hîna ǀaib xa hâ ga sao. (Deu. 23:9-14) ǁÎgu ǂnamipe ge hâ i ǁaedi toro ǃkham-aogu ge dangu gere ǃādi khoede gere ǀgaiǃkhō. Xaweb ge Jehovaba ge mā-am tama hâ i. Israelǁî toro ǃkham-aoga ǁnāsa dīsa. Ama i ge ǁîgu ge ǃkhōsabe tare khoe-e ge ǃgamme ǁoa i. Xawe gu ǃāsa ǀgui ǁkhâba ū toa hâs khaoǃgâ, ǀgui gu ge ǁnāsa ge dī ǁkhā i.—Deu. 21:10-13.

Nētsē gu ge ǃnāsa ǃhūga. Torob ǃnâ khoena nî ǁkhauba ǂhanub mîǁguiba ǃhūbaib ǂhawase ge xoaǃgao. Nē ǂhanugu ge ǁnān hîna toroba ǃkham tamana nî ǁkhaubase i. Xawe gu ge ǃhūga ǀnî ǁaegu ai nē ǂhanuba ra khôa.

5. ELOB GE ǁÎB ǁAESA GERE ǃKHAMBA

ǃKharu gere ǁaeb ǃnâb ge Jehovaba Israelǁîna gere ǃkhamba. Tsî ǀnî ǁaegu ai buruxa dīna gere dī, în toroba dan. Aiǁgause, matib ge Jehovaba Israelǁîna hui în Jerixosa dan? Jehovab ge a mî khamin ge Israelǁîna. ‘ǃGarise ge ǃau tsî gu ge ǂnubiǂgoaga ge ǃkhom ǁnā.’ Tsî î ge ǁîga ge supusupuba ǃāsa ūsa. (Jos. 6:20) Mati gu ge Amorǁîn ǃoagu gu ge ūhâ i ǃkhamsa dan? Jehovab ge “kai ǃnarede ǁîgu ai ge ǁnā kai Israelǁîgu ge ǃgam khoegu xa ǃnāsa gu ge nē ǃnaredi xa ge ǃgamhe.”—Jos. 10:6-11.

AMA XRISTEǁÎN GE ǂKHÎB DI KURU-AONA

Mû da go khamib ge sida di mâsiba nētsē. Kaise a ǃkharagagu ǃkharuge ǁaeb Israelǁîna xu. Xawe nē ǃkharagagusigu ǀgui tama gu ge. ǀNî hâ ǃaroma di tsîn ge hâ, toroga ǃoa da ī tamas diga. Aiǁgause Elob ge ge kēbo ǀuni tsēdi ǃnâ i. ǁNān hîna ǁîb xa ra ǁkhāǁkhāhena ‘tātsē torodīsa ǁkhāǁkhāsen tidesa.’ Ama i ge ǁîn ge tātsēs tsîna torob ǃnâ ǃâ tide. (Jes. 2:2-4) ǁNās xōǀkhās tsînab ge Xristub tsîna ge mî. ǁÎb ǁkhāǁkhāsaben ge nē ‘ǃhūbaib di ǃâ tama.’ ǁÎn ge ǀkhāhe ǁhûi tamase nî hâ. Nē ǃhūbaib di ǂhawadīb ǃnâ.—Jhn. 15:19.

Xristub ge ǁîb saosabena ǀapemās tsîna ge hî, în ǃnāsase dī. ǁÎb ge ǁîna ge mîba în tanisen ǀgaugu. Hîna ǃhuib, ǁaib tsî torob ǃkhamsa nî ǃaromana xu ǂgōsen. (Mat. 5:21, 22) ǁÎb ge ǁîb saosaben tsîna ge mîba în ‘ǂkhîxaǃnâ’ tsî “ǁîn khākhoena ǀnam.”—Mat. 5:9, 44.

Nēsa da mati a dī ǁkhā? ǀNîsi da ge toro i ǃnâ ǃkham ǂgao tama hâ. Xawe khoe-e hâ ǀhaohâb ǃnâ da sida khākhoe-i ase ra tsâ-e? ǀKhī da aiǃgû tsî dītsâ, ǁnāti i mâsigu ga, sida ǃnâ ga ra hâ o, ǁîga xu ǀgorasa.—Jak. 4:1, 11.

Nē ǁaedi ǂkhabadīb ǃnâ ǁhao tama i. Tsî da ge ǂkhîb tsî ǀnammi tsîna, sida ǁaegu ra aiǃgû kai. (Jhn. 13:34, 35) Hā da ǀkhā-e ǁhûi tamase hâ ǀgara. ǁNā tsēsa da ra mûǂui hîna. Jehovab hoa toroga ǀamose nî ǀam kaisa.—Psa. 46:9.