ǁGÛN ǃGAO
6: ǁNamadi
NĒSA TAE-E RA ǂÂIBASEN
ǁNama ti hâ mîs ge ra ǂâibasen, daoǁgau tamas ka io ǁkhāǁkhā di. ǀNî ǁaegu ais ge nēsa dī unusa ǃōǂâhâ, ǀgôa-i ga tsū xū e dī o. Nēs ge ǂâibasens ǀkha ra dīhe i i ǀgôa-e ǁkhāǁkhāhe. Tsî daoǁgauhe i ra xūna hoaǁae ǂgurose dī.
NĒSA TAE-I ǃGAO A ǂHÂǂHÂSA
ǃKharu ge ǁaeb di ǁnama di ge ge ǁōǂoa ǀnî omaride xū. ǀNî ǁgûn ge ra ǂâi ǀgôa-en ga ǁnama on ge ǁîna ǀgôa-e ǀnam tama di. Xawe gā-aiǁgûn ge ǁîn ǀgôana ǂhanu ǀgaub ǃnâ ra ǁkhāǁkhā în daoǁgaude ûiǂui.
“ǀGôan ge nî ǁkhāǁkhāhe în ǂan taen nî dīs tsî taen dī tidesa, în ǂhanu ǀgaub ǃnâ kai. ǁNamasa ūǃoa tama ǀgôa-i ge ǂaus hîna daoǁgau-e ūhâ tamas khami i—Nē aiǁgaus ge ra ǂâibasen, ǀgôa-i ga ǁnamahe tama i o, o i ǃgâi tama xūna nî dīsa. Tsî ǃgâi ǀam ǂoasa nî ūhâsa.”—Pamela.
TAE-E DU DĪ ǀKHA
Mîts go mîs aimâ. ǀGôa-i ga mî du hâ ǁkharaga ǁnâuǀnam tama io, o du ge ǁî-e mî du go hâ i ǁkharaba nî mā. Xawe i ga ǁnâuǀnam o, o du ge ǁî-e nî koa.
“Tita ge ti ǀgôana hoaǁae ra koa ǁnâuǀnaman ga ra o. Nē ǁgai ǁnâuǀnamoǃnâ ǃhūbaib ǃnâ. ǀGôana koas ge ra supu kai. ǁÎ-i ga tsūse dī o, ǂhabasa ǁnamasa ǃhaese ūǃoasa.”—Christine.
ELOBMÎS DAOǁGAUDI: “Khoe-i ga tsoro-i hoa-i, ǁnā-e i kom ǁkhāti nîra ǃgaobaseno”—Galateǁîn 6:7.
ǁNâuǃāxa re. ǀGôana du ga ǁnâmasa mâ o, ǀgôa-i kurin tsî dīsa i go xū-i tsîna kō re. ǀGôa-i ga tsû xū-e dī o, o i ge dīsa i go xū-i ǃoagu nî ǁkharahe—Aiǁgause, ǀgôa-i ga ǂkhā du hâ hîna ǂgui ǃâde selfona sîsenū o, o du ge ǁî-e selfona nî ū ai. Tamas ka io sîsenūsa nî ǀoro kai. Tā mā-amsen re ǂhâǂhâsa tama xū-i ǃgao ǁaixasa, sado i ra ǂhanî ǃkhais ǃaroma.
“Tita ge ra dītsâ ǀgora ǂuisa ǀgôa-i xū-e ǂanapega ra dīsa tamas ka io, i go amabes ǃnâ a dīsa sa. ǃKharagusib ge hâ ǂanapega ra dīhe ǁoreb hîna nî dīunuheb. Tsî ama dīsahe ra ǁoreb hîna nî ǁnaeǁgauheb ǃgao.”—Wendell.
ELOBMÎS DAOǁGAUDI: “Sago ǁgûgo, sago ǀgôana tā ǁaiǁai, în tā ǂkhabuǂâi,”—Koloseǁîn 3:21; ǀamiros sa mû re.
ǀNamǀnam xa re. ǀGôa-e ǁnamasa ūǃoas ge a supu, ǁî-i ga mû o, ǁgû-i nēsa ǀnamxaǃnâ ǀgaub ǃnâ ra dīsa.
“Sim ǀgôab gere ǁore o, om ge ǁîb ge dī hâ i ǃgâi xū-e gere mîbabi, ǂnîsam a sa. Sim ge ǁîba gere mîǃāba, ǁîb ge dī tsū xū-i ǁîb ǃgâi ǀgauga ǀgaiǀgai titesa. ǁîb ga dīb ge tsū xū-e dī ūnu o, om ge sima ǁîba nî hui ǃnâ nē xū-e dī ūnusa.”—Daniel.
ELOBMÎS DAOǁGAUDI: “ǀNammi ge ǃnūǃnâxa, tsîb ge a ǃgâi.”—1 Korinteǁîn 13:4.
