ǁGÛN ǃGAO
8: Aiǁgaudi
NĒSA TAE-E RA ǂÂIBASEN
Kaikhoen ge tanisen an ra ǀgaub ǃnâ-ū aiǁgaun ase ī. Xawe du ge sadu ǀgôa-i amaba nî ǃhoas xa nî ǃgâibahe. “Tsî du ge hâ du a hîna sadu ǀgôa-e, mîba tide. ǀKhai ta a ti mî re.”
“Hoaǁae ra mî-e xū-i ge ‘mîba tsi ta ra khmai dī, î tā tita ra dīna dī.’ Xawe ǁnā ǀgaub ge ǀgôan ǀkha sîsen tama hâ. ǀGôan ge kaikhoen ra dī xūna ra dī. Tsî ǁkhāǁkhā nî da ra xūn mî da ran ǀkha ǀguiǃnâxa tama hâs tsînan ge nî mîba da.”—David.
ELOBMÎS DAOǁGAUDI: “Tsî nau-ets ra ǁkhāǁkhā hîats sa-aitsama ǁkhāǁkhāsen tama: ǃNarits ge tide, tits ra aoǁnâ hîats ra ǃnari.”—Romeǁîn 2:21.
TAE-I ǃGAO I A ǂHÂHÂSA
ǀGôan ge ǃnāsa ǁaeba ǁîn ǁgûn ra dī xūna ra dī. Tsî ǁîn ǀhōsan tsîn ra dīna. ǁNās ge ra ǂâibasen, sadu ǀgôana ǃgâise nî kaikaisa. Xawe sadu tsîn ge mî du ra xūna nî dī.
“ǀGui xū-e da ge ǂgui ǃnāna a mî ǁkhā. Tsî da ge a mî ǁkhā, nē ǀgôa-e ǃgâ i ra? Xawe sida ra mî xū-e da ga dī tama io, o i ge ǀgôa-e a mîba da ǁkhā. ǀGôan ge dī da ra xūna ra kō. Di da ga ǂâi tama is tsîna.”—Nicole.
ELOBMÎS DAOǁGAUDI: “Xawe ǀgapiseba xu hâ gā-aisib ge . . . hînaoǃnâ [ai ǁamaxa, NW]” tama.—Jakobub 3:17.
TAE-E DU DĪ ǁKHĀ
Sadu ǀgauga ôaǃnâ re. Taena du tvs ai ra kē? Mati du, sadu kaikhoes tsî ǀgôan tsîna ra hâ-ū? Hamna sadu ǀhōsana? Nau khoena du ra tsâba? ǂHâba î du nî, în sadu ǀgôana sadu khami ī?
“Tita tsî ti kaikhioeb tsîn ge sim ǀgôana sim dī tsî sao tama xūna dī kai tama hâ.”—Christine.
ǀÛbaba ǂgan re. Sadu ǀgôan ge ǀnai a ǂan, ǀoasa kurusa du ūhâ tamasa. “ǀÛba te” di mîs ǃnâ-ū du ge sadu. Tsî sadu ǀgôana ǂhauǃnâsib tsîn ǃgamǃgamsensa ra ǁkhāǁkhā.
“ǂAnǃgâ da ge nî tsūdī da ga o. Tsî nēsan ge ǀgôan tsîna nî ǂan. ǀÛbaba da ga ǂgan o, on ge ǁîn tsîna nî ǁnâu.” ǁNāsa da ga dī tama io, on ge ǁîn tsîna ǁîn dīsāde nî sâu.—Robin.
“ǁGûn di ûiǀgaub ge khai sîsen ǂuiba ǀgôan ai ūhâ. Tsî sadu di aiǁgaudi ge sîsenū-he nî xūn di ǀgui. Hînan ǀgôana hoaǁae nî kena. Nēs gera ǂâibasen ǀgôan ǁgûn di ûiǀgauba xu ra ǁkhāǁkhāsen sa”—Wendell.
