Tae-i ǃgomsina du tsēs hoasa ra hōǃâ? Omaris dana i du a tsî du ǂgui xūna ra kōǃgâ? ǀGuri hâ ǁgûdo hîna sadu omarisa ra kōǃgâ do? ǂKham ǀgôase du skooli ǃnâ hâ tsî du sadu ǀhōn xa ra ǁorehe? ǀAesen tsî du kaira hâ? Hoada ge ǃgomsina ra hōǃâ. ǂGui Xristeǁîn ge nēti-i ǃgomsina ǀguiǁaeb-ai ra ǃkharuǃâ. Xawe da ge a ǂan ǀgūǁaeb Jehovaba ǃgomsina xu nî oredasa.—2Kor. 4:16-18.

Jehovab sida ǃgomsin, ǂgomǂgomsasib tsî mâǀgâi da ra ǀgausa ra ǁnauǃâ ǃkhais xa da ge ra ǁkhaeǂgaohe. ǁÎb ge kai ǀkhaeba haniǁaeb ǃgao ūba da hâ. (Jer. 29:11, 12) Jesub tsîn ge ǃgâiǃgâibasensa sida ǃnâ ūhâ. Sida di Xristeǁî mîǁguiga da ga dīǀoaǀoa o, o da ge ǁÎb di ǂgomǃâsiba ūhâ: ‘tita ge hoa tsēde sadu ǀkha nîra hâ’ tib ge mî o (Mat. 28:20) Hâni ǁaeb ǃnorasasib, Elob gaosib dib xa da ga ǂâiǃâ o, o da ge sida ǃâubasens tsî mâǀgai da ra ǃkhais ǃgao nî ǀgaiǀgaihe.—Rom. 8:19-21.

VIDIOBA ǀHURU RE ǃGOMSIN GA RA HÂ O SADU ǂÂISA JESUB AI ǂNÛI RE—HANÎ ǁAEB GAOSIB ǀKHAEGU DI HÂBA TSÎ SAORA DÎDE ǃEREAM RE:

• Khoena mati io Eloba xū ge ǂgae-oasen tsî mâ ǀamǂoas ǀkha?

• Tae-i ǃâubasensan ǁnān hîna Jehovab ǃoa-ai a ǂgomǂgomsana ūhâ?

• Nē hâniǁaeba mati a ī ǁkhā?

• Tae-i ǀkhaegu hâniǁaeb di ga ǃoa du ra mû ǂui tsî tae-e du sī ra dī ǂgao?