Biblia kiijtoua itstokej miakej tonaltsitsij. Jehová eli se tonaltsi (Juan 4:⁠24; 2 Corintios 3:​17, 18).

Achtouia Jehová itstoya iselti tlauel miak xiuitl. Teipa pejki kinchijchiua tonaltsitsij, katli nojkia kintokaxtiaj iluikaeuanij. Inijuantij kipiaj miak chikaualistli uan tlauel tlalnamikij, amo kej maseualmej. Jehová kinchijchijki tlauel miakej iluikaeuanij. Daniel, se toTeotsij itekipanojka, kinitak cien millones iluikaeuanij kejuak ipan se temiktli (Daniel 7:10; Hebreos 1:7).

ToTeotsij kinchijchijki iluikaeuanij kema ayamo kichijchiuayaya Tlaltipaktli (Job 38:​4-7). Yon se tlen inijuantij eli se maseuali katli mijki uan yajki itstoto iluikak.