Amatlajkuiloli Textos tlen nochipa techyakanas mitspaleuis tijpantis ipan Biblia versículos uan tlapoualistli tlen uelis mitsyakanas ipan tlen ueli tlamantli tlen tikixnamikis. Nojkia mitspaleuis xijmati tlake versículos uelis tijtekiuis kema tijnekis titeyolchikauas uan kema tikinpaleuis sekinok ma kitlapejpenikaj tlen kinamiki para kiuejkapantlalisej Jehová. San xijtemo itoka se tlamachtili, nopaya tikitas uala se keski tlajtlanili uan moixtoma se keski tlapoualistli tlen uala ipan Biblia (xikita recuadro “ ¿Kenijkatsa uelis tijtekiuis ni amatlajkuiloli?”). Ipan Biblia nima tijpantis miak textos tlen mitsyolchikauas uan mitspaleuis kuali xijtlapejpeni tlen tijchiuas. Nojkia tijpantis yejyektsitsij tlamachtili tlen uelis mitspaleuis uan tlen ika uelis tikinpaleuis sekinok.

Maske ni amatlajkuiloli amo kipia nochi textos tlen se tlamachtili, kena mitspaleuis xijtemo sekinok tlamantli (Pr 2:1-6). Tlaj nojua tijnekis tijmatis, xijpoua textos tlen mouika ika nopa texto tlen tijtemok uan nojkia xikita notas tlen uala ipan La Biblia. Traducción del Nuevo Mundo. Nojkia uelis tijtekiuis Tlen ika momachtiaj Jehová itlajtoltemakauaj o Índice de las publicaciones Watch Tower, kiampa tijmatis tlake kiijtosneki se texto uan kenijkatsa tijtekiuis. Xikita tlamachtili tlen namanok moixtontok, kiampa tlen tijyekos elis sanse ika tlen nama tijkuamachiliaj.

Ni amatlajkuiloli mitspaleuis kuali xijkuamachili tlen uala ipan Biblia. Kema tijtekiuijtias, tikitas “Itlajtol Toteko yoltok uan kipia tlauel miak chikaualistli” (Heb 4:12).