TLAMACHTILI 13
¿Kenijkatsa uelis tijyolpakiltisej toTeotsij?
Ma amo tijchiuakaj tlen toTeotsij kikualankaita (1 Corintios 6:9, 10)
Tlaj tikikneliaj Jehová, uajka amo tijchiuasej tlamantli tlen kikualankaita.
Jehová amo kineki ma titlachtekikaj, amo ma timoiuintikaj, yon amo ma tijtekiuikaj drogas.
Ya kikualankaita kema mokonetlauisouaj, kema temiktiaj uan kema se tlakatl mokalakia ika seyok tlakatl. Yon amo kineki ma techpakti titlapijpiasej miak yon ma titlateuikaj.
Moneki ma amo tikinueyichiuakaj tlaixkopinkayomej yon ma titetlajchiuikaj.
Maseualmej katli kichiuaj tlen amo kuali amo itstosej ipan Tlaltipaktli katli mochiuas se xochimili.
Ma titechiuilikaj tlen kuali (Mateo 7:12)
Tlaj tijnekij tijyolpakiltisej toTeotsij, moneki tijchiuasej kej ya.
Moneki tijnextisej tikinikneliaj sekinok. Ni tijnextiaj kema titechiuiliaj tlen kuali uan titepaleuiaj ika tlen tijpiaj.
Moneki ma amo titlakajkayauakaj.
Ma titetlapojpoljuikaj.
Ma tikiniljuikaj sekinok tlen Jehová uan itlanauatiljuaj (Isaías 43:10).
Tlen nojkia mitspaktis tikitas
TLAMACHTILI TLEN TLAUEL IPATI
¿Kipaktia toTeotsij nochi religiones?
Miakej maseualmej moiljuiaj amo kenijki tlaj amo sanse religión tijpiaj pampa nochi kineltokaj toTeotsij.
TLEN TIJCHIUAJ
¿Tlake tijchiuaj ipan Kali kampa timosentiliaj?
Xia kampa timonechikouaj uan tikitas tlake tijchiuaj nopaya.
