Tlen kiijkuilok Marcos 16:1-8
-
Jesús moyolkui (1-8)
16 Uajka, kema ya panotoya sábado, María Magdalena, María inana Santiago uan Salomé, kikojkej xiuitl tlen ajuiyak mijyotiyaya para kitlalilisej itlakayo Jesús.
2 Tlauel ijnalok ipan nopa achtoui tonali kema peua semana, kema ya kistoya Tonati, yajkej kampa mijkaostotl.
3 Uan kiijtouayayaj: “¿Ajkia techpaleuis para kimimilos nopa tetl tlen ika kitsaktokej mijkaostotl?”.
4 Pero kema moixtlanankej, kiitakej ya kimimilojtoyaj nopa tetl, maske eliyaya tlauel ueyi.
5 Kema kalajkej ipan mijkaostotl, kiitakej ika ininmanejmak moseuijtoya se telpokatl katli mokentijtoya iyoyo ueueyak* uan chipauak. Uan tlauel mosentlachilijkej.
6 Ya kiniljuik: “Amo ximomajmatikaj. Inmojuantij inkitemouaj Jesús, katli eua Nazaret, katli kimiktijkej ipan se kuauitl.* Ya moyolkuik.* Ayokmo itstok nikaj. Xikitakaj, nikaj kitlalijtoyaj.
7 Pero xiakaj, xikiniljuitij itokilijkauaj uan Pedro: ‘Ya tlayakantia Galilea uan nepa inmechchiati. Nopaya inkiitasej, kej inmechiljuik’”.
8 Uajka kiskej tlen nopa mijkaostotl uan cholojkej. Uiuipikatiauiyayaj uan tlauel mosentlachilijtoyaj. Uan amo aka kiiljuijkej yon tleno pampa majmauiyayaj.*
Tlen ijkuilijtok tlatsintla
^ Xikita kuauitl kampa tetlaijiyouiltiaj.
^ Ika griego “motlananki”.
^ Nopa achtoui amatlajkuiloli tlen uejkajkia kiijkuilojkej, kinextia tlen kiijkuilok Marcos tlami ika tlen kiijtoua versículo 8.
