Tlaj sekinok kiitasej tiyolpakij, inijuantij nojkia yolpakisej uan maseualmej kuali techtlakakilisej kema titlajtolmoyauasej. Tlaj kiampa tijchiuasej, tijnextisej tijpatiitaj tlen tijmoyauaj. Maske amo nochi timomajtokej tijchiuasej sanse tlamantli o amo sanse tielij, nochi uelis titlajtolmoyauasej ika pakilistli (Ro 12:11). ¿Tlake uelis techpaleuis kiampa ma tijchiuakaj?

Achtoui ximoiljui kenke tlauel ipati nopa tlamachtili tlen tijmoyauaj. Ta tijmoyaua “nopa kuali tlajtoli tlen temaka tlaseuilistli” (Ro 10:15). Nojkia ximoiljui kenijkatsa kinpaleuia maseualmej nopa kuali tlamachtili tlen tijmoyauaj. Maseualmej moneki kikakisej nopa kuali tlamachtili (Ro 10:13, 14). Uan nojkia xikijto tlen kisa ipan moyolo, ipan moxayak ma nesi nelnelia tlen tikijtoua uan ximoojolini kej ipa tijchiua.

ACHTOUI XIKITA NOPA VIDEO TIYOLPAKIS TLAJ TIJPALEUIS SE MASEUALI. XIMOMACHTI KUALI TITLAMACHTIS: XITLAMACHTI IKA PAKILISTLI, UAN TEIPA XIJNANKILI NI TLAJTLANILI:

• ¿Kenke Rita ayokmo tlauel kinekiyaya kimachtis Jade?

• ¿Tlake kipaleuik Rita sampa ma yolpaki?

• ¿Kenke moneki tikitasej nopa kuali tlamantli tlen kinextiaj katli techtlakakiliaj?

• ¿Kenijkatsa kinpaleuis katli tikinmachtiaj uan sekinok maseualmej kema kiitasej tiyolpakij?