¡Tlauel tiyolpakij pampa nama tijpiaj yajyankuik amatlajkuiloli tlen ika titlamachtisej! Yeka, tikiljuiaj Jehová ma techpaleui tikinpaleuisej sekinok ma elikaj Cristo itokilijkauaj (Mt 28:18-20, TNM; 1Co 3:6-9). ¿Kenijkatsa uelis kuali tijtekiuisej ni ome amatlajkuiloli?

Ayokmo titlamachtisej kej achtouia, yeka moneki tijpatlasej kej titlamachtiaj. Kema timokualchijchiuas uan kema titlamachtis, xijchiua kej kiijtoua tlatsintla: *

• Xijpoua nopa tlamachtili uan kuali ximoiljui kenijkatsa monankilia nopa tlajtlanili.

• Xijpoua nopa textos tlen uala uan xijpaleui ma kikuamachili tlake uelis kiyekos.

• Xijnextili videos uan xijchiuili nopa tlajtlanili tlen nesi ipan amatlajkuiloli.

• Xijchiua kampeka tijmachtis nochi nopa tlamachtili.

Kema titlajtolmoyauas achtoui xijmaka nopa pilamochtsi, kiampa tikitas tlaj nopa maseuali nelia kineki momachtis (xikita recuadro “ ¿Kenijkatsa uelis titemakas pilamochtsi Nochipa xiitsto kema tijnojnotsas se akajya?”, ipan iamayo 16). Tlaj intlamij inmomachtiaj ika nopa pilamochtsi uan nojua kineki momachtis, uajka xijmaka nopa amochtli uan ximomachtikaj ipan tlamachtili 4. Tlaj ya momachtia ika se amatlajkuiloli, uelis tijpeualtis ika amochtli Nochipa xiitsto. Ta tikitas kanke tijpeualtis.

ACHTOUI XIKITA NOPA VIDEO TLAUEL KUALI PAMPA TIMOMACHTIS BIBLIA, UAN TEIPA XIJNANKILI NI TLAJTLANILI:

• ¿Tlake kiyekosej katli tikinmachtiaj ika ni yankuik amochtli?

• ¿Kenke moneki kiitasej ni video katli tikinmachtiaj?

• ¿Tlake uelis tikiljuis katli tijmachtia nojua ma kichiua? (Xikita recuadro “ Tlen tlauel ipati uan tlen sejse tlaxeloli mitspaleuis xijchiua”, ipan iamayo 16).