Miakej maseualmej amo kipiaj tlen kikuasej yon kampa itstosej. Uan sekij san kinekiskiaj kuali itstosej teipa. ¿Kenijkatsa uelis tikinpaleuisej sekinok uan kiampa toTeotsij techteochiuas?

“Kema se kipaleuia tlen teikneltsi eltok keja kitlanejtiskia toTeko. Uan yajaya mitstlaxtlauis para nochi tlen kuali tijchijtok” (PROVERBIOS 19:17).

Jesús kiijtok tlen kipanok se tlakatl katli kitlachtekilijkej uan nechka kimiktiskiaj (Lucas 10:29-37). Uan se tlakatl katli kuali iyolo kipaleuik maske ya eliyaya tlen seyok altepetl.

Ni tlakatl amo san kipaleuik kema kiitak kikokojtoyaj yon amo san kipaleuik ika tomij, nojkia kiuikak kampa ueliskia kipajtisej.

¿Tlake techmachtia tlen kichijki nopa tlakatl? Jesús techmachtik moneki tijchiuasej miak tlamantli tlaj tijnekij tikinpaleuisej sekinok (Proverbios 14:31). Biblia kiijtoua toTeotsij nechka kitlamiltis tlaijiyouilistli uan techmakas nochi tlen techpoloua. ¿Kema uan kenijkatsa kichiuas? Ipan seyok tlamachtili tikitasej tlake tlateochiualistli techmakas toTeotsij.