¿Ajkia toTeotsij?
Maske miakej maseualmej kiijtouaj tlaneltokaj ipan toTeotsij, kema kintlajtlaniaj ajkia eli, amo nochi sanse tlanankiliaj. Sekij kiijtouaj san kipaktia kintlatsakuiltis maseualmej pampa tlajtlakolchiuaj. Uan sekinok kiijtouaj tlauel teiknelia, yeka nochipa kema titlajtlakolchiuasej ya techtlapojpoljuis. Uan sekij moiljuiaj amo kitekipachoua tlen techpano pampa tlauel uejka itstok. Amo nochi maseualmej moiljuiaj sanse tlamantli tlen toTeotsij, yeka miakej moiljuiaj amo kema uelis tikixmatisej.
¿Moneki tikixmatisej toTeotsij? Kena. Kema tikixmatis toTeotsij, mitspaleuis kuali xiitsto uan kuali tijyolmatis (Hechos 17:26-28). Tlaj tijnechkauijtias toTeotsij, ya nojua tlauel mitsiknelis uan mitspaleuis (Santiago 4:8). Uajka, tlaj kuali tikixmatis, uelis tiitstos nochipa (Juan 17:3).
¿Kenijkatsa uelis tikixmatis toTeotsij? Ximoiljui ipan se akajya katli kuali tikixmati, ipan se mouampo. ¿Tlake mitspaleuik timouampojchiuas iuaya? Uelis achtoui tijmatki itoka, uan teipa nojkia tikitak kenijkatsa eli, tlake kipaktiyaya uan tlake amo, tlake tlamantli kichijtoya uan tlake mosentlalijtoya kichiuas. Pampa tijmatki nochi nopa tlamantli, mitspaleuik kuali ximouampojchiua iuaya.
Ika toTeotsij nojkia kiampa pano, ta uelis kuali tikixmatis tlaj tijmatis kenijkatsa monankilia ni tlajtlanili:
Ni pilamochtsi mitsnextilis kenijkatsa Biblia kinankilia sejse tlen ni tlajtlanili. Nopa sekinok tlamachtili mitspaleuis tijmatis ajkia eli toTeotsij uan nojkia tikitas kenijkatsa tlauel mitspaleuis ipan monemilis tlaj timouampojchiuas iuaya.
