TLAMACHTILI TLEN IKA PEUA: ¿AJKIA INIJUANTIJ JEHOVÁ ITLAJTOLTEMAKAUAJ?
¿Tlake kineltokaj?
Kineltokaj “toTeko temakak nochi nopa tlatsejtseloltik Tlajkuiloli” (2 Tim. 3:16). Yeka ipan Biblia momachtiaj tlen toTeotsij, kikauaj ma kinyakana uan kiampa monejnemiltiaj kej kinamiki.
Biblia kiijtoua: “Ma kimatikaj maseualmej ta motoka Jehová, san ta tlauel tiUeyi ipan nochi Tlaltipaktli” (Sal. 83:18, TNM). Yeka, kiueyichiuaj san toTeotsij Jehová uan temachtiaj itoka pampa inijuantij itlajtoltemakauaj (Is. 43:10-12).
Kitokiliaj Cristo uan kineltokaj Jesús “iKone toTeko Dios”, * katli ualajki ipan Tlaltipaktli uan mochijki nopa Mesías (Juan 1:34, 41; 4:25, 26). Kema mijki, Jesús moyolkuik uan sampa yajki iluikak (1 Cor. 15:3, 4). Teipa kitekitlalijkej kej tlanauatijketl ipan toTeotsij iTlanauatijkayo (Apoc. [Rev.] 11:15). Itlanauatijkayo tekichijtok uan kichiuas Tlaltipaktli se xochimili (Dan. 2:44). Biblia kiijtoua: “Tlen moiknonekij iixpa toTeko itstosej ipan nopa kuali tlali uan tlauel pakisej” (Sal. 37:11, 29).
“Kema kipouaj Biblia, eliskia kejuak kinnojnotstok toTeotsij. Kema kipiaj kuesoli nochipa kitemoliaj ipan Biblia kenijkatsa kisenkauasej. [...] Kiitaj toTeotsij iTlajtol kejuak yoltok.” (Ni kiijtok nopa sacerdote católico Benjamin Cherayath, uan ijkuilijtok ipan nopa periódico Münsterländische Volkszeitung, Alemania)
Jehová itlajtoltemakauaj kineltokaj Biblia uelis kinpaleuis maseualmej ipan ni tonali (Is. 48:17, 18). Kichiuaj kampeka kineltokasej itlanauatiljuaj. Yeka, amo tlachichinaj yon kitekiuiaj drogas pampa Biblia kiijtoua amo kinamiki ma tijsokiuikaj totlakayo yon totlalnamikilis (2 Cor. 7:1). Nojkia amo kichiuaj tlen amo kinamiki, amo moiuintiaj, momekatiaj yon tlachtekij (1 Cor. 6:9-11).
^ párr. 5 Biblia nojkia kiijtoua Jesús ‘iyojtsi toTeotsij iKone’, pampa Jehová achtoui kichijki uan amo aka kipaleuik (Juan 3:18; Col. 1:13-15).
Tlen nojkia mitspaktis tikitas
TLEN KINEKIJ KIMATISEJ
¿Tlake kineltokaj Jehová itlajtoltemakauaj?
Xikita kenijkatsa moixtoma 15 tlamachtili tlen tijneltokaj.
TLEN KINEKIJ KIMATISEJ
¿Kiijtouaj Jehová itlajtoltemakauaj san inijuantij itstokej ipan religión katli melauak?
¿Kiijtok Jesús onkayaya miak religiones kampa ueliskiaj timomanauisej maseualmej?
TLAMACHTILI TLEN TLAUEL IPATI
¿Kipia itoka toTeotsij?
ToTeotsij kitokaxtiaj ika miak tlamantli, kiiljuiaj toTeko, Katli kipia nochi chikaualistli uan Tlachijchijketl. ToTeotsij itoka nesi nechka 7,000 imiakpa ipan Biblia.
