AMO XIJKAUA MA MITSTETSOPA TEKIPACHOLI
Tekipacholi ayokmo mitstetsopas
Tlen Biblia tetlalnamiktia uelis techpaleuis amo tlauel ma tijpiakaj tekipacholi. Tojuantij amo tiuelij tijtlamiltiaj nochi tekipacholi tlen techtetsopa pampa san tielij timaseualmej. ToTeotsij, katli techchijchijki, kena uelis kitlamiltis. Uan kitekimakatok Jesucristo ma techpaleui. Nechka asis nopa tonali kema kichiuas uejueyi tlamantli ipan nochi Tlaltipaktli, kipano kej kema itstoya nikaj. Ma tikitakaj se keski tlamantli tlen Jesús kichiuas.
KINCHIKAUAS KATLI MOKOKOUAJ
“Nojkia kinualikakej tlen tlaijiyouiyayaj [...] uan nochi Jesús kinchikajki” (MATEO 4:24).
TIJPIASEJ TOCHAJ UAN TLEN TIJKUASEJ
“Kema se tlakatl kichijchiuas ichaj, yajaya itstos ipan ichaj [...,] kitokasej xokomekamili, uan yajuantij kikuasej itlajka. Ayok kichijchiuasej ininchaj para ipan itstos seyok, niyon ayok kitokasej xokomekatl para sekinok kikuasej” (ISAÍAS 65:21, 22).
ONKAS TLASEUILISTLI UAN TIITSTOSEJ TEMACHTLI IPAN NOCHI TLALTIPAKTLI
“Tlen itstokej xitlauakej uan kuajkualmej, ma itstokaj ika yejyektsi kema yajaya tlanauatis. [...] Onkas miak tlaseuilistli hasta itlamia tonali. Itlanauatilis noKone ma asi hasta kampa peua uan hasta kampa ontlami nopa ueyi atl. Ma asi tlen kampa nopa ueyatl Éufrates hasta kampa ontlantok Tlaltipaktli [...] uan ikualankaitakauaj motlankuaketsasej iixpa hasta kipipitsosej tlaltejpoktli” (SALMO 72:7-9).
KITLAMILTIS TLEN AMO XITLAUAK
“Kintlasojtlas tlen axkipiaj chikaualistli uan tlen teikneltsitsij, uan kinmanauis. Kinmanauis para axkintlaijiyouiltisej uan para axkinteuisej” (SALMO 72:13, 14).
KITLAMILTIS TLAIJIYOUILISTLI UAN MIKILISTLI
“Ayok kema aki mikis, niyon mokuesos, niyon chokas” (APOCALIPSIS 21:4).
