Tlaj katli kipiaj ininsiua o ininueue nochipa mopaleuiaj, kichiuaj sanse kej katli kiuikaj se avión pampa inijuantij mopaleuiaj uan kiampa onasij kampa moiljuijtokej. Kema kipiaj kuesoli, moiljuiaj tlen uelis kinpaleuis uan amo san tlen inijuantij kinpaktia.

TLEN BIBLIA TETLAJTOLMAKA: “Uajka ayok itstosej keja omej. Ama nopa omej mochiuasej keja san se inintlakayo” (Mateo 19:6).

“Katli kipiaj ininsiua o ininueue moneki mopaleuisej uan kiampa kuali itstosej” (Christopher).

Tlaj katli kipiaj ininsiua o ininueue amo mopaleuiaj, kema kipiaj se kuesoli peuaj mokualaniaj uan kiueyiliaj nopa kuesoli.

“Katli mosiuajtijtokej o monamiktijtokej tlauel moneki ma mopaleuikaj. Tlaj noueue uan na amo timopaleuiskiaj, san tiitstoskiaj sansejko ipan se kali uan amo sansejko tijtlapejpeniskiaj tlen tlauel ipati” (Alexandra).

XIMOILJUI

• ¿Timoiljuia tlen tijtlani eli san ta moaxka?

• ¿Kuali tijyolmati san kema amo tiitstok iuaya mosiua o moueue?

• ¿Amo mitspaktia tiitstos iuaya ichampoyouaj mosiua o moueue maske ya kena kipaktia itstos ininuaya?

TLEN UELIS INMOTLATSINTOKISEJ

• ¿Ipan tlake tlamantli kena timopaleuiaj?

• ¿Ipan tlake tlamantli nojua moneki timopaleuisej?

• ¿Tlake uelis tijchiuasej uan kiampa nojua kuali timopaleuisej?

XIJCHIUA NI

• Ximoiljui katli mosenkajtokej elij kej maseualmej katli mauiltiaj. ¿Tlake moneki kichiuasej tlaj amo kinekij motlajtlanisej?

• Ximoiljui kenijkatsa uelis intlatlanisej inomej, uan amo kenijkatsa ta titlatlanis.

“Amo moneki timoiljuijtosej ajkia mokuapolok, moneki tikitasej kenijkatsa tiitstosej sansejko uan ika pakilistli” (Ethan).

TLEN BIBLIA TETLAJTOLMAKA: “Amo san ximoiljuikaj tlen tlamantli tlen inmechpaleuis. Nojkia ximoiljuikaj tlen kinpaleuis sekinok” (Filipenses 2:3, 4).