Tlen mochiua ipan Ucrania, kinextia katli tlayakanaj ipan sekinok religiones mokalakiaj ipan tlauilankayotl. Xikita kenijkatsa tlapaleuijtokej:

•   “Tijnekij tikintlaskamatilisej nochi soldados katli kimanauiaj toaltepe Ucrania [...]. Nochipa tikinpaleuisej ika tlen monekis uan tikinmaijtosej” (metropolitano Epifanio I de Kiev, The Jerusalem Post, marzo 16, 2022).

•    “Ni domingo, katli kiyakana Iglesia ortodoxa ipan Rusia kichijki se misa uan nopaya kiniljuik soldados ma kimanauikaj ininaltepe ‘kej ipan momajtokej kichiuaj’. Uan soldados tlen Moscú yajkej tlateuitoj Ucrania” (Reuters, abril 3, 2022).

 ¿Moneki Cristo itokilijkauaj mokalakisej ipan tlauilankayotl? ¿Tlake kiijtoua Biblia?

 Biblia kiijtoua katli nelnelia elij Cristo itokilijkauaj amo mokalakiaj ipan tlauilankayotl.

•   “Xijkalaki momachete ipan ikuetlaxo pampa tlen tlateuiaj ika machete, nojkia kinmiktisej ika machete” (Mateo 26:52).

   Tlaj se akajya kuali kiita tlauilankayotl o yaui tlateuia, ¿kichiua tlen Jesús kiijtok?

•   “Uajka niinmechmaka se yankuik tlanauatili para xijchiuakaj: Ximoiknelikaj se ika seyok keja na niinmechiknelia. Kena, keja nopa moneki ximoiknelikaj. Nochi tlakamej kimachilisej para nelia innomomachtijkauaj intla nelia inmoiknelisej” (Juan 13:34, 35).

   Tlaj se akajya mokalakia ipan tlauilankayotl, ¿kinextia teiknelia kej Jesús kiijtok kichiuaskiaj itokilijkauaj?

 Tlaj nojua tijneki tijmatis sekinok tlamantli, xikita nopa tlamachtili “El cristianismo y la guerra: ¿son compatibles?”.

 ¿Nelnelia amo mokalakiskiaj ipan tlauilankayotl Cristo itokilijkauaj ipan ni tonali? Kena, amo mokalakiaj. Biblia kiijtok ipan ni tonali tlen nojkia kiiljuiaj “itlamia tonali”, maseualmej katli kampa ueli euaj amo mokalakiskiaj ipan tlauilankayotl kej Jesús kiijtok (Isaías 2:2, 4).

•    Tlaj nojua tijneki tijmatis, xikita nopa tlamachtili tlen moixtontia ipan Tlen Tematiltia “¿Kenijkatsa kiita toTeotsij nopa tlauilankayotl?”.

 Nechka Jehová, a katli temaka tlaseuilistli, ika iTlanauatijkayo kinmakixtis maseualmej “para axkintlaijiyouiltisej uan para axkinteuisej” (Filipenses 4:9; Salmo 72:14).

•   Tlaj nojua tijneki tijmatis, xikita nopa video ¿Tlake nopa toTeotsij iTlanauatijkayo?