Kema Jesús itstoya ipan Tlaltipaktli, kinextik tlauel teikneliyaya. Ya kinextik nelnelia kinikneliyaya maseualmej katli tlaijiyouiyayaj uan katli amo kipixtoyaj tlen ika mopanoltisej (Mateo 9:36). Nojkia, Jesús kinejki motemaktilis pampa kinekiyaya kinpaleuis maseualmej (Mateo 20:28; Juan 15:13). Nechka asis tonali kema sampa kinextis tlauel techiknelia. Kiampa kichiuas pampa ya eli nopa Tlanauatijketl ipan Dios iTlanauatijkayo uan ya kichiuas ayokmo ma techpolo tlen ika timopanoltisej.

 Ipan Biblia ijkuilijtok nopa yejyektsitsij tlamantli tlen Jesús kichiuas:

•    “Yajaya kinmanauis tlen itstokej ipan kuesoli uan tlen axtleno kipiaj. Nojkia ma kintlatsakuilti nopa tlakamej tlen tetlaijiyouiltiaj” (Salmo 72:4).

 ¿Kenijkatsa uelis tijnextisej tijpatiitaj nochi tlen Jesús kichijtok uan tlen teipa techmakas? Ipan Lucas 22:19 Jesús kiniljuik itokilijkauaj ma kiilnamikikaj imikilis. Yeka, sejse xiuitl, Jehová itlajtoltemakauaj mosentiliaj uan kiilnamikij Cristo imikilis. Timitstlaneuij nojkia ximosentili touaya ipan domingo 24, marzo 2024.

Xijtemo kanke uelis tikilnamikis Cristo imikilis