UIKATL 159
Nimitsueyichiuas Jehová
(Salmo 96:8)
1. Tlauel tiueyi, Jehová Dios;
axitstok seyok kej ta.
Kema niajkotlachia,
nikita mochikaualis.
Maske san nitlaltejpoktli,
ta tinechpatiita.
¿Tlake uelis nimitsmakas
pampa tinechiknelia?
(TLEN MOOMPAUIA)
NoDios, Jehová, nimitsuikatia
ika nochi noyolo.
Ta tieli noTlanauatijka,
yeka ta kinamiki
ma nimitsueyichiua.
2. Nonemilis uan noyolo
ta moaxka, noTata,
yeka tlauel niyolpaki
kema nimitsueyichiua.
Nochipa nijpatiitas
nochi tlen tinechmaka
uan nimitstekipanojtos
ika miak pakilistli.
(TLEN MOOMPAUIA)
NoDios, Jehová, nimitsuikatia
ika nochi noyolo.
Ta tieli noTlanauatijka,
yeka ta kinamiki
ma nimitsueyichiua.
3. Tlaltipaktli uan ueyi atl,
iluikaktli uan metstli,
kichiua ma niyolpaki
uan ma nimosentlachili.
Kema nikita tlen onka,
nesi titlalnamiki.
¡San ta nimitsueyichiuas
pampa nochi tijchijchijki!
(TLEN MOOMPAUIA)
NoDios, Jehová, nimitsuikatia
ika nochi noyolo.
Ta tieli noTlanauatijka,
yeka ta kinamiki
ma nimitsueyichiua.
(Nojkia xikita Sl. 96:1-10; 148:3, 7).
