Tikilnamikisej Jesús imikilis
Sábado 12, abril 2025
Sejse xiuitl, Jehová itlajtoltemakauaj mosentiliaj uan kiilnamikij Jesús imikilis. Tijchiuaj ni pampa Jesús tlanauatik: “Xijchijtokaj ni para inkinextisej innechilnamikij” (Lucas 22:19).
Timitstlaneuij xia ipan ni tlanechikoli.
Tlen kinekij kimatisej
¿Keski uejkaua?
Nechka se hora.
¿Kanke mochiuas?
Xikamanalti iuaya se Jehová itlajtoltemajka katli itstok nechka mochaj uan kiampa tijmatis.
¿Nitlaxtlauas kema nikalakiti?
Amo.
¿Tlajtlanij tomij?
Amo. Jehová itlajtoltemakauaj amo kema tlajtlanij tomij kema monechikouaj.
¿Kenijkatsa kinamiki nimoyoyontis?
Maske uelis timoyoyontis kej ta tijnekis, Jehová itlajtoltemakauaj tijchiuaj kampeka timoyoyontisej kej kinamiki pampa Biblia kiampa kiijtoua (1 Timoteo 2:9). Amo moneki timotlalilis yoyomitl tlen tlauel patiyo o tlen tlauel kuali nesi.
¿Tlake mochiua kema moilnamiki Cristo imikilis?
Kema peua, tiuikaj se uikatl uan se toikni katli eli se tlen Jehová itlajtoltemakauaj kichiua se tlamaijtoli. Teipa moixtoma se tlamachtili kampa techiljuiaj kenke tlauel ipati Jesús imikilis uan kenijkatsa techpaleuia nochi tlen kichijtokej Dios uan Cristo. Kema tlami, sampa tiuikaj uan mochiua seyok tlamaijtoli.
Tlaj nojua tijneki tijmatis, xijpoua nopa tlamachtili “¿Kenke Jehová itlajtoltemakauaj amo kiilnamikij Cristo imikilis sanse kej kichiuaj sekinok religiones?”.
¿Tlake tonali moilnamikis Jesús imikilis ipan sekinok xiuitl?
Sábado 12, abril 2025
Jueves 2, abril 2026
Tlen nojkia mitspaktis tikitas
CRISTO IMIKILIS
Ma tikilnamikikaj Cristo imikilis
Tijnekij timitstlaneuisej nojkia ximonechikoti touaya ipan nopa tonali tlen tlauel ipati. Nopaya tijkakis kenijkatsa kej Jesús monejnemiltik uan imikilis tlauel mitspaleuia.
TLAMACHTILI TLEN TLAUEL IPATI
¿Kenke mijki Jesús?
Biblia kiijtoua Jesús imikilis nelia tlauel ipati. ¿Nelia techpaleuia imikilis?