Xikita tlake tijchiuaj kema timonechikouaj. Xijtemo kanke uelis tias timonechikoti nechka kampa ta tiitstok.

Ompa ipan se semana Jehová itlajtoltemakauaj monechikouaj pampa kinekij kiueyichiuasej toTeotsij (Hebreos 10:24, 25). Nochi maseualmej uelis monechikosej, nopaya timomachtiaj Biblia uan tikitaj kenijkatsa uelis tijchiuasej ipan tonemilis tlen timomachtiaj.

Ipan nopa tlanechikoli sansejko timomachtiaj uan maske nochi uelis tlanankilisej, amo aka mitschiualtis xitlanankili. Nochipa tijpeualtiaj uan tijtlamiltiaj ika se uikatl uan se tlamaijtoli.

Amo moneki tielis se tlen Jehová itlajtoltemakauaj tlaj tijneki timonechikos touaya, nochi uelis monechikosej. Nopaya amo kema mitsinamasej yon mitstlajtlanisej tomij.