Amo. Tojuantij kuali tijmatij amo timomakixtisej san pampa titlajtolmoyauaj kajkalpa (Efesios 2:8). ¿Kenke amo?

 Ximoiljui se tlakatl tlen tlauel teiknelia kiijtoua techmakas se tlamantli tlen tlauel ipati tlaj tiasej kampa ya techiljuis uan kema ya technotsas. Tlaj nelia timotemachiaj nopa tlakatl kichiuas tlen kiijtojtok, uajka tiaskiaj kampa ya techiljuis. Nojkia tikiniljuiskiaj tochampoyouaj uan touampoyouaj ma yakaj touaya. Maske tijchiuaskiaj nochi tlen techiljuis, amo kiijtosneki timotlanilisej nopa tlamantli tlen kiijtojtok techmakas. Tijselisej nopa tlamantli pampa kineki techmakas, amo pampa tijchiuasej nochi tlen ya kiijtos.

 Nojkia, nochi katli tijtekipanouaj Jehová timotemachiaj nelia kichiuas tlen kiijtojtok uan kikauas ma tiitstokaj nochipa tlaj tijneltokasej tlen technauatia (Romanos 6:23). Uan pampa tijnekij sekinok maseualmej nojkia ma kiselikaj tlen toTeotsij kiijtojtok techmakas, tijchiuaj kampeka titlajtolmoyauasej, maske tijmatij nopa amo kichiuas ma timomakixtikaj (Romanos 1:17; 3:28). Tojuantij amo tleno uelis tijchiuasej uan kej nopa timotlanilisej nopa kuali tlamantli tlen toTeotsij kiijtojtok techmakas. Biblia kiijtoua: “Axtechmakixtik pampa tijchijtoyaj tlen kuali uan tlen xitlauak, [...] techmakixtik pampa techtlasojtlak” (Tito 3:5, Itlajtol Toteco Náhuatl de la Huasteca Oriental).