Jehová itlajtoltemakauaj kichiuaj tlen kiijtoua ni texto: “Xikintlepanitakaj nochi tlakamej” (1 Pedro 2:17). Tojuantij tikintlepanitaj nochi maseualmej maske amo sanse ininreligión. Uan maske ipan uejueyi altepemej itstokej miakej Jehová itlajtoltemakauaj, amo tikiniljuiaj políticos o tekichiuanij ayokmo ma kinkauakaj ma monechikokaj ipan ininreligión. Nojkia amo tikiniljuiaj tlanauatianij ma kinchiualtikaj maseualmej ma kichiuakaj o ma monejnemiltikaj kej tojuantij timonejnemiltiaj. Tojuantij tikintlaskamatiliaj sekinok pampa techtlepanitaj uan tijchiuaj kampeka tikintlepanitasej nochi maseualmej (Mateo 7:12).