1. Tiueyichiujkej, toTajtsin Jiova,

moixpan kuali nimokuikatia.

Tejua tikaki nonetataujtil

uan nikmati ke tinechpaleuis.

Mojmostaj moixpan nitajtakoua,

maski ijkon amo tinechkaua.

MoKonetsin iesyo kitoyauak,

ika tinechmakixtij, nimoaxka.

2. ¡Nipaki porin tinechyoleuak

maj nipoui kemej motakeual!

Xinechmachti uan xinechyekana,

Dios, amo nikneki nimitskauas.

Mochikaualis nikmoujkaita

porin ika tinechyolchikaua.

MoTekiuajyo taixyekanas

uan motanejnekilis kichiuas.

3. Nochipaya nikteixmatiltis

tatiochiualismej tein tikualkuis.

Keman Jesús tekiuajtis, tamis

mikilis, chokalis uan kokolis.

No ixpoliuis tein amo kuali,

itech taltikpak pakiskej nochin.

Ika pakilis nimokuikatia:

“¡Tasojkamatik noTajtsin, Jiova!”.