Samuel nochipa kitakamatik Jiova. Keman okichpilok katka, amo kinekik kichiuas tein amo kuali kemej iokichpipiluan Elí, akin monotsayaj Hofní uan Finehás (1Sa 2:22-26). Ijkon kemej Samuel moskaltijtiajki, Jiova nochipa kipaleuij (1Sa 3:19). Uan keman xiuejya katka, kisentokak kitakamatik Jiova maski iokichpipiluan amo kichiujkej kemej yejua (1Sa 8:1-5).

¿Toni techmachtia tein kichiuak Samuel? Telpochmej uan ichpochmej uelis takuaujtamatiskej ke Jiova kiajsikamati toni ouijkayomej kipanouaj uan ke kimati keniuj momachiliaj. Yejuatsin kinpaleuis maj yolchikaujkej (Is 41:10, 13). Tetatmej, komo semej namokoneuan kikauak Jiova, uelis namechyolseuis tein kipanok Samuel. Yejua amo uelik kinchikaujkauij iokichpipiluan maj kitakamatinij Dios. Samuel kikauak maj iTajtsin Jiova kipaleuiani, kisentokak kitekitilij uan kiyolpaktij. Tein nankichiuaskej xa kinpaleuis namokoneuan maj mokepakan iuan Jiova.

SATEPAN KE TIKONITAS VIDEO MAJ TIKCHIUAKAN KEMEJ YEJUAN: SAMUEL, XIKONNANKILI NEJIN NETAJTANILMEJ:

• ¿Keniuj kinextij Samuel ke katka yolchikauak keman okichpilok katka?

• ¿Keniuj kinextij Danny ke katka yolchikauak?

• ¿Toni kuali neskayot kikauak Samuel keman xiuejya katka?

• ¿Toni kuali neskayot kikaujkej itatuan Danny?