Komo akin tikinmachtijtokej ika Biblia kinekij kuali mouikaskej iuan Jiova, moneki kuali kinixpejpenaskej akin iniuan mouikaj (Sl 15:1, 4). Komo akin iniuan mouikaj kuali monejnemiltiaj, kinpaleuiskej maj no ijkon kichiuakan (Pr 13:20; lff tamachtilis 48).

Xikonajsikamati akin tikonmachtia ika Biblia keman tikonpaleuijtos maj kinkaua amo kuali tasojiknimej, porin xa ouij kikisas kinkauas. Yejua ika, xikonsentoka xikonnexti ke ika tionmotekipachoua. Uelis tikontajkuilouilis, tikonnotsas oso tikonkalpanotiuj. Ijkon kemej kichiujtias tein Biblia tamachtia, xikonyoleua keman tikonchiuas teisa iniuan okseki tokniuan. Ijkon kiitas ke okachi kipia ipatiuj tein axkan kipia ke tein kikaua (Mr 10:29, 30). Tejuatsin no semi tionyolpakis porin ichankauan Jiova momiakiliaj.

SATEPAN KE TIKONITAS VIDEO MAJ TIKINPALEUIKAN AKIN TIKINMACHTIAJ IKA BIBLIA MAJ AMO MOUIKAKAN INIUAN AKIN AMO KUALI MONEJNEMILTIAJ, XIKONNANKILI NEJIN NETAJTANILMEJ:

• ¿Toni kichiuaj amo kuali tasojiknimej? (1Co 15:33).

• ¿Keniuj kinemiliaya Coral ke moyolpaktiaj itaixpantijkauan Jiova?

• ¿Keniuj Rita kipaleuij Coral maj kinkauani akin iniuan mouikaya?