David kitanik Goliat porin senkis takuaujtamatik iuan Jiova (1Sa 17:45). Jiova kineki kinpaleuis nochin akin kuali iuan mouikaj (2Cr 16:9). ¿Keniuj uelis tiknextiskej ke amo totech titakuaujtamatij, ta ke titakuaujtamatij iuan Jiova? Maj tikitakan eyi taman.

• Nochipa xikontataujti Jiova. Amo xikontataujti sayoj keman tikonneki maj mitsontapojpolui porin tionmopoloj, ta no keman tikonneki maj mitsonpaleui amo xikonchiua tein amo kuali (Mt 6:12, 13). Amo sayoj xikontataujti Jiova porin tikonneki maj kitiochiua tein tikonixpejpenakya, ta no xikontajtani maj mitsonpaleui achto ke tiontaixpejpenas (Snt 1:5).

• Nochipa xikonixtajtolti uan xionmomachti Biblia. Mojmostaj xikonixtajtolti Biblia (Sl 1:2). Itech xiontanemili toni mitsonmachtia ininneskayo takamej uan siuamej akin ininka motajtoua itech Biblia, uan xikonchiua tein mitsonmachtia (Snt 1:23-25). Xionmomachti achto ke tikonteixmatiltis iTajtol Dios uan amo xikonnemili ke amo monekiok porin ipa tikonchiuaniya. Uan no xionmomachti achto ke tionyas nechikolmej, ijkon okachi mitsonpaleuis.

• Xikonchiua tein kiixtalia inechikol Jiova. Xikonixmati tein yankuixtok kiixtalij inechikol Jiova uan xikonchiua (Nú 9:17). Uan no ijkon xikonchiua ika tein kiixtaliaj uan tayolmajxitiaj tokniuan tayekananij (Heb 13:17).

SATEPAN KE TIKONITAS VIDEO ¡AMO XIKMOUILIKAN TAIXNAMIKILIS!, XIKONNANKILI NEJIN NETAJTANILMEJ:

• ¿Toni kimouilijkej uan kintekipachoj tokniuan akin nesij itech video?

• ¿Toni kinpaleuij maj amo mouinijok?