Keman tikajsi se motasojikniuj, xa tikchia maj amo tekaua, maj yolkuali uan maj kualtakat. Yejua nejon kichiua Jiova (Éx 34:6; Hch 14:17). Yejuatsin mitskaki keman tiktataujtia uan nochipa mitspaleuia keman moneki (Sl 18:19, 35). Uan no, mitstapojpoluia keman timopoloua (1Jn 1:9). ¡Semi kualtsin maj iuan timouikakan Jiova!

¿Keniuj uelis timouikas iuan Jiova? Xikixtajtolti Biblia porin ijkon tikixmatis uan iuan titakuaujtamatis (Sl 62:8; 142:2). Xiknextili ke no tikpatiuita tein yejuatsin kipatiuita, kemej iKonetsin, iTekiuajyo uan tein kiixtalijtok kichiuas satepan. Uan no, xikinilui oksekin akoni Jiova (Dt 32:3). Komo kuali timouika iuan Jiova, yejuatsin nochipa mitspaleuis (Sl 73:25, 26, 28).

SATEPAN KE MOITAS VIDEO TELPOCHMEJ: “XIKITAKAN KE JIOVA YOLKUALI”, XIKONNANKILI NEJIN NETAJTANILMEJ:

• ¿Toni moneki tikchiuas achto ke timotemaktis iuan Jiova uan timoauis?

• ¿Keniuj uelis mitspaleuiskej tokniuan itech nechikol okachi xiktekitili Jiova?

• ¿Keniuj okachi timouikas iuan Jiova komo titanojnotsa?

• ¿Toni okseki tekimej tikselis komo okachi tiktekitilia Jiova?

• ¿Toni taman okachi tikuelita kemej tanemilia Jiova?