Satepan itech xiuit 4026 a.i.t.

“Kouat” taomeyolotia ox Jiova kinamiki maj taixyekana uan ox kuali kemej kichiua. Jiova motenkaua ke se ‘konetsin’, oso “xinach”, kipechiskia kouat, Satanás (Génesis 3:1-5, 15; nota). Sayoj ke kikaujtokok maj taltikpakneminij moixyekanakan ika ichikaualis Satanás.

Xiuit 1943 a.i.t.

Jiova kiyekiluia Abrahán ke semej ichankauan yeski ‘konetsin’ (Génesis 22:18).

Satepan itech xiuit 1070 a.i.t.

Jiova kiyekiluia tekiuaj David, uan satepan ikonetsin Salomón, ke ‘konetsin’ pouiskia itech ichankauan (2 Samuel 7:12, 16; 1 Reyes 9:3-5; Isaías 9:6, 7).

Xiuit 29 i.t.

Jiova kitematiltia ke Jesús yejua ‘konetsin’ akin moijtojka ualaskia uan akin kiseliskia itekiuajyo David (Gálatas 3:16; Lucas 1:31-33; 3:21, 22).

 Xiuit 33 i.t.

Satanás, “kouat”, kichiua maj kimiktikan Jesús, uan ijkon kixokolia sayoj seki tonalmej ‘konetsin’ akin moijtojka ualaskia. Jiova kiajokui Jesús, uan kichiua maj oksepa youi iluikak uan kiselia ipatiuj tein kipia inemilis tein amo kipiaya tajtakol. Nejin tapaleuia maj onka netapojpoluilis uan ijkon ikoneuan Adán uelis nemiskej nochipaya (Génesis 3:15; Hechos 2:32-36; 1 Corintios 15:21, 22).

Kemej itech xiuit 1914 i.t.

Jesús kiualpantamota “kouat” uan kichiua maj mokaua sayoj seki tonalmej itech taltikpak (Apocalipsis 12:7-9, 12).

Tein satepan mochiuas

Jesús kitsakua Satanás mil xiujmej uan satepan senkis kiixpoloua. Ijkon kemej yeskia kipechia itsontekon. Ijkuak, senkis mochiua tein Jiova yekinika kiixtalij ika taltikpak uan taltikpakneminij. Itokay Dios senkis mochipaua ika tein kijtouiliaj, uan no monextia ke itaixyekanalis yejua tein okachi kuali (Apocalipsis 20:1-3, 10; 21:3, 4).