TAXELOL 7

Peua keman Jesús moajokuik uan tami keman Pablo kitsakkej

Jesús moajokuik eyi tonal satepan keman momikilij. Nejon tonal kinimonextilij makuilpa itatojtokakauan uan seseko. Kinimonextilijtinemik 40 tonalmej. Ompa, keman sekin imomachtijkauan kiitstoyaj, yej pankisak iluikak. Majtakti tonal satepan, Dios kintitanilij yektikatsin espíritu itatojtokakauan Jesús tein mochixtoyaj Jerusalén.

Satepan, tein kiteltauelitayaj Dios kichiujkej maj kintsakuanij tatitanilmej, sayoj ika se ángel kinkixtij. Esteban, se imomachtijkauj Jesús, kimiktijkej taixnamikinij ika tet. Sayoj ika timomachtiskej ika Jesús kijitak semej taixnamikinij maj kitetapouiani kuali tanauatilmej noyampa, uan moixmatik kemej tatitanil Pablo. Ompa, eyi xiuit uan tajko satepan keman momikilij Jesús, Dios kititanik tatitanil Pedro maj kinojnotsati Cornelio tein amo katka judío uan ichankauan.

Kemej 13 xiujmej satepan, Pablo kipeualtij yekinika takalpanolis ika tanojnotsalis. Itech ojpatika, Timoteo kiuikak. Pablo uan tein iuan yayaj, kipanokej miak tataman tein se kimojkaita keman kitekitiliayaj Dios. Satepan, Pablo tsaktoya Roma. Keman panok ome xiuit kikixtijkej, sayoj ika satepan oksepa kitsakkej uan kimiktijkej. Itech Taxelol CHIKOME panok kemej 32 xiujmej.