“Uan tejua, Belén Efrata, [...] motech kisas se akin yeski tekiuaj itech Israel.”

(Miqueas 5:2)

“Jesús yoliko tech in pueblo den monotsa Belén ten de itatilanal in Judea tech in tonalme kuak Herodes katka tayekanke rey itech nojon país. Ijkuakon ejkotiualayaj tech ne pueblo de Jerusalén seki taka semi tamatinime den ualayaj ikisayampa in tonal.”

(Mateo 2:1)

“Yejuan moxejxelouiliaj notaken, uan ika notaken kiitaj ika netatanilis akoni imako mokauas.”

(Salmo 22:18)

“Kuak in soldados kitamikuoupampilojke ya Jesús, ijkuakon yejuan [kiajokuikej] itilma uan kinauiixtsayanke [...]. Uan de ompa no kikuikke ne okse itilma ten kikentinemia sen tanekistok. Uan ne takemit amo tajtsonmal. Ta, senkis taijkitil. Uan ijkon in soldados moliayaj se uan okse ijkuin: —Kachi kuali ma amo tiktsajtsayanakan nijin takemit. Ta, kachi kuali ma tikchiuakan ne tatanilis para ijkon tikitaske akoni imako mokauas ne takemit tajkitil.”

(Juan 19:23, 24)

“[Dios] kinyekpixtok nochi iomiyouan yejua; nion se kipostekkej.”

(Salmo 34:20)

“Kuak motokijke kampa Jesús pilkatoya, ijkuakon yejuan kitakke ke ipa miyik ya. Ika ya nojon yejuan amo kimetspojpostekke ok.”

(Juan 19:33)

“Kikoyonijkej ika tonepolol.”

(Isaías 53:5)

“Senme de ne soldados kielchikiutokilij imachete. Uan [...] peuak eskisa uan no kisaya seki keme at.”

(Juan 19:34)

“Yejuan nechmakakej notaxtauil, treinta platajtomin.”

(Zacarías 11:12, 13)

“Senme den majtaktiomomen imomachtijkauan ten monotsa Judas Iscariote, yejua ne yajki kinnojnotsato in tayekanani tiopixkame. Uan Judas kinilij ijkuin: —¿Kanachi tomin nannechmakaske para ke ma nejua namechmakti Jesús Temakixtijke? Uan in tayekanani kinankilijke ijkuin: —Timitsixtauiliske sempoal uan majtakti ika ne istak tomin denario.”

(Mateo 26:14, 15; 27:5)