AKIN MOAUISKEJ. Kinxelouiliskej ikpalmej iixpan plataforma akin moauitij, komo amo motanauatia okse taman. Sábado kualkan moneki motaliskej ompa akin moauitij achto ke peuas tanojnots tein kinmakaj. Nochin moneki kiualkuiskej se toalla uan taken tein kinextia kuali taixejekolis tein kikuiskej keman moauiskej.

IKPALMEJ. Xikonnextili kualtakayot oksekin. Xikonelnamiki ke uelis tikonxelouilis ikpalmej sayoj mokalyetouanij, akin yaskej mouan itech tepos, akin nemiskej mochan oso akin tikonmachtia ika Biblia. Amo xikontali teisa itech ikpalmej komo amo tikonkuis.

KAMPA KIITAJ SE IJSIUJKAYOT. Xikonelnamiki ke nikan sayoj kiitaj keman mochiua se ijsiujkayot.

KAMPA KIKAUAJ TEIN MOPOLOUA. Komo tikonajsi teisa, xikonkauati kampa kikauaj tein mopoloua. Komo tikonpoloj teisa, no ompa xikontemoti. No ompa moneki tikonuikas konemej akin mopolouanij. Sayoj ke, kemej amo tiknekij maj tokniuan motekipachojtokan, xikonyekpia mokoneuan uan xikonita maj nochipa mouan moajsikan.

NEPALEUIL IKA TOMIN. Moixtauani miak taman, kemej ikpalmej, bocinas uan teposmej tein ika tikitaskej videos uan miak taman tein techpaleuiaj maj kuali tikakikan tamachtilis tein motemaka itech ueyi nechikol uan maj okachi timotokikan iuan Jiova. Tomin tein tikontemaka ika nochi moyolo tapaleuia maj moixtaua nochi nejon uan maj mochiua itekiyo Dios semanauak taltikpak. Itech ueyi nechikol moajsij kaxomej kampa uelis tikontalis tomin. No uelis tikontemakas tomin itech donate.dan124.com. Tamechtasojkamatiliaj nochi nanmonepaleuil. Oloch Taojtokaltianij akin kinixyekanaj iTaixpantijkauan Jiova kinekij namechtasojkamatiliskej porin nankipaleuiaj iTekiuajyo Dios ika nochi nanmoyolo.

TAPALEUIANIJ. Komo tikonneki tiontapaleuis itech tekit tein mochiua itech ueyi nechikol, xionyoui Kampa Tematiltiaj seki taman uan Moijkuilouaj Tapaleuianij.

TAYEKTALIANIJ. Moajsij tayektalianij akin mitsonpaleuiskej ika miak pakilis. Uelis tiontapaleuis keman tikonchiuas tein mitsoniluiskej kemej, kani tikonketsas mocarro, kanikauin tionnejnemis, ikpalmej tein uelis tikonxelos uan okseki taman.

Tamachtilis tein kiseliaj akin kiteixmatiltiaj iTekiuajyo Dios Tikinyoleuaj akin tekitij kemej precursor regular uan kipiaj 23 hasta 65 xiujmej uan kinekij okachi tapaleuiskej itech itekiyo Dios, maj yakan se nechikol tein mochiuas domingo tiotak komo kinekij kiseliskej nejin tamachtilis. Hora uan kani mochiuas moijtos sentaixpan.