TAMACHTILIS 38
Maj tiktasojkamatikan maj techtayokolianij tonemilis
Kemej tiyoltokej ueli tikchiuaj miak taman tein kualtsin uan techyolpaktia. Uan maski tikpiaj kuejmolmej, kisentoka techyolpaktia miak taman tein tikpiaj itech tonemilis. ¿Keniuj uelis tiknextiliskej Jiova ke tiktasojkamatij nejin netetayokolil? ¿Uan keyej semi moneki maj tikchiuakan?
1. ¿Keyej moneki maj tikpatiuitakan tonemilis?
Moneki tikpatiuitaskej tonemilis porin toTajtsin Jiova techtayokolijtok. Yejuatsin ‘kichiua maj tiyoltokan’ porin kichijchiuak nochi tein yoltok (Salmo 36:9). “Yejuatsin techmakatok tonemilis nikan taltikpak, [...] toijiyo. Uan nochi ten tikpiaj” (Hechos 17:25, 28). Nejin kijtosneki ke Jiova techmakatok nochi tein moneki para tiyoltoskej. Uan no, kichiua maj techyolpakti tinemiskej (xikonita Hechos 14:17).
2. ¿Keniuj uelis tiknextiliskej Jiova ke tiktasojkamatij maj techtayokoliani tonemilis?
Itech tonal keman momaj mokokoxkatalij Jiova peuak kipatiuita monemilis. Dios kipaleuij se itekitikauj akin monotsaya David maj kiluiani itech se netataujtil: “Moixtololouan nechitakej keman nikatka se embrión” (Salmo 139:16). Jiova semi kipatiuita monemilis (xikonita Mateo 10:29-31). Jiova semi kiyolkokoskia kiitas ke aksa temiktia oso momiktia (Éxodo 20:13). a No kiyolkokoskia kiitas ke tikchiuaj seki taman tein amo moneki tein ika uelis tikpoloskej tonemilis, oso tiknextiskej ke amo tikpatiuitaj ininnemilis oksekin. Keman timoyekpiaj uan tikpoujkaitaj ininnemilis oksekin, tiknextiaj ke tikpatiuitaj maj Dios techtayokoliani tonemilis.
MAJ OKACHI TIMOMACHTIKAN
Maj tikitakan tein uelis tikchiuaskej para tiknextiskej ke tiktasojkamatij tonemilis, netetayokolil tein Dios techmakatok.
3. Xionmoyekpia para amo tionkokolispeuas
Akin tikiluijkej Jiova ke nochipa tiktakamatiskej, tiktekitiliaj yejuatsin nochi tonemilis. Kemej yeskia tikmaktiliaj tonakayo kemej netetayokolil, yejua ika moneki timoyekpiaskej. Xikitakan Romanos 12:1, 2 uan ika xitajtokan nejin:
-
¿Keyej moneki tionmoyekpias para amo tionkokolispeuas?
-
¿Keniuj uelis tikonchiuas?
4. Xikonita maj amo namechpano tein amo kuali tejuatsin oso oksekin
Biblia kijtoua maj tikitakan maj amo techpano tein amo kuali tejuan oso oksekin. Xikitakan VIDEO kampa kinextia tein uelis tikchiuaskej para maj amo techpano tein amo kuali.
Xikitakan Proverbios 22:3 uan ika xitajtokan keniuj uelis aksa tapaleuis maj amo kinpano tein amo kuali oksekin...
-
... ichan.
-
... kampa tekiti.
-
... keman mauiltis.
-
... keman kinejnemiltis se carro oso sayoj itech yas.
5. Xikonpoujkaita inemilis se konetsin akin ayamo yoli
David ika tajtoj ke Jiova kiita keman se konetsin yekin mochijchiujtok iijtik imomaj. Xikitakan Salmo 139:13-17 uan ika xitajtokan nejin:
-
¿Kemanian kiita Jiova ke peua inemilis aksa: keman yoli oso keman mokokoxkatalia imomaj?
Tanauatilmej tein Jiova kimakaka xolal Israel ne uejkauj, kinpaleuiaya siuamej akin mokokoxkataliayaj uan konetsin tein yaya kipiatij. Xikitakan Éxodo 21:22, 23 uan ika xitajtokan nejin:
-
¿Keniuj kiitaya Jiova keman aksa maski amo kinekia kimiktiaya se konetsin achto ke yoliskia?
-
Yejua ika, ¿keniuj momachilia Jiova keman aksa ijkon kichiua porin kineki? b
-
Uan tejuatsin, ¿keniuj tikonita tein Dios kinemilia?
Hasta se siuatsin akin kipatiuita inemilis aksa uelis kinemilis ke kimiktis ikonetsin achto ke yolis yejua tein okachi kuali. Xikitakan Isaías 41:10 uan ika xitajtokan nejin:
-
Komo se siuatsin kichikaujkauiaj maj kimikti ikonetsin achto ke yolis, ¿akoni moneki kitajtanis maj kipaleui? ¿Keyej?
TEIN SEKIN KIJTOUAJ: “Sejse siuatsin kiixtalia ox kimiktis oso amo ikonetsin achto ke yolis, porin yejua kimati tein kichiua”.
-
¿Keyej tikonneltoka ke Jiova kipatiuita inemilis siuatsin uan konetsin tein kipiati?
TEIN TIKITAKEJ
Jiova techtayokolijtok tonemilis. Biblia tamachtia maj tikpoujkaitakan, maj tikyekpiakan uan maj tiktasojtakan tonemilis uan ininnemilis oksekin.
Maj tikelnamikikan
-
¿Keyej tikmatij ke Jiova kipatiuita tonemilis?
-
¿Keniuj momachilia Jiova keman aksa momiktia oso temiktia?
-
¿Keyej tikonuelita tonemilis tein Dios techtayokolijtok?
NO XIKONITA NEJIN
¿Keniuj uelis tiktasojkamatiliskej Jiova maj techtayokoliani tonemilis?
¿Uelis Dios kitapojpoluis se siuatsin komo kimiktij ikonetsin achto ke yoliskia?
Xikonita keniuj techpaleuia tikmatiskej ke Dios kipoujkaita tonemilis keman tikixpejpenaj tein ika timoixpetaniaj.
“¿Se justifica la participación en los deportes de riesgo?” (¡Despertad!, 8 de octubre de 2000)
¿Uan komo aksa kinemiliani momiktis? Xikonita tein Biblia tayolmajxitia.
“¿Puede ayudarme la Biblia si ya no quiero vivir y he pensado en suicidarme?” (Artículo de jw.org)
a Jiova semi ininka motekipachoua akin tayokoxtokej (Salmo 34:18). Yejuatsin kuali kimati keniuj momachiliaj akin kinemiliaj momiktiskej, uan kineki kinpaleuis. Xikonita keniuj tapaleuia tein techyolmajxitia itech tamachtilis “¿Puede ayudarme la Biblia si ya no quiero vivir y he pensado en suicidarme?”, tein no nesi itech taxelol “No xikonita nejin” itech nejin tamachtilis.
b Akin kimiktijkejya se konetsin achto ke yoliskia, amo moneki kisentokaskej motajtakoltiskej porin Jiova kineki kintapojpoluis. Tikonajsis okachi tamachtilis itech “¿Qué dice la Biblia sobre el aborto?”, tein nesi itech taxelol “No xikonita nejin” itech nejin tamachtilis.
Xa no tikonuelitas
NETAJTANILMEJ TEIN MOCHIUAJ
¿Keniuj itaixpantijkauan Jiova kimachtiaj aksa ika Biblia?
Keman se itaixpantijkauj Jiova mitsonmachtis, tejuatsin uelis tikonkuis tein yeski Biblia. No uelis tikonyoleuas akin nemij mokalijtik oso akin yeski.
