Keman Jiova techchijchiuak, techmakak se kualtsin netetayokolil: maj tiuelikan titajtokan, ¿kiita yejuatsin keniuj tikuitokej nejon netetayokolil? ¡Kemaj! (Xikonita Santiago 1:​26). Yejua ika, ¿keniuj uelis titajtoskej kemej kiyolpaktis Jiova?

1. ¿Keniuj kuali tikuiskej nejin netetayokolil tein Jiova techmakak?

Biblia kijtoua: “Ximoyolmajxitikan uan ximoyolchikauakan se uan okse” (1 Tesalonicenses 5:​11). ¿Tikonixmati aksa akin moneki se kiyolchikauas? ¿Uelis tikonchiuas teisa tein kipaleuis maj kuali momachili? Xikonmatilti ke tejuatsin tikonpatiuita. Xa uelis tikoniluis tein kuali tein kichiua. ¿Tikonelnamiki se texto tein uelis kiyolchikauas akin tikonixmati? Onkak miak textos tein uelis tikonixpejpenas. Uan no, amo xikonelkaua ke kemej tikonijtos teisa uelis semi kinyolchikauas oksekin. Yejua ika, moneki nochipa xiontajto ika nejmach uan xionkualtakat (Proverbios 15:1).

2. ¿Keniuj amo moneki titajtoskej?

Biblia kijtoua: Amo xikijtokan “ten pitsotik uan ten nenkajtik san” (xikonita Efesios 4:​29). Nejin kijtosneki ke amo tikuij tajtolmej tein pitsotik nion tikijtouaj tein semi amo kuali para tikinyolxokoliskej oso tikinpinaujtiskej oksekin. Uan no, amo tikinijijtouaj oksekin nion titetakajkayauiliaj (xikonita Proverbios 16:​28).

3. ¿Toni techpaleuis maj tikijtokan tein kinyolchikauas oksekin?

Miakpa, tein tikijtouaj kinextia tein yekmelauj tiknemiliaj uan tikmachiliaj (Lucas 6:​45). Yejua ika, moneki nochipa timochikauaskej tiknemiliskej tein kuali uan tein teyolchikaua, nejin kijtosneki ke moneki ika se tanemilis itech nochi tein Dios kiita ke kuali, itech nochi tein chipauak, itech nochi tein kichiua maj se tetasojta uan itech nochi tein kinamiki maj kiueyitalikan (Filipenses 4:8). Uelis se kichiuas nejin komo kuali se kiixpejpena tein ika se moixpetania, tein se kiita oso se kikaki uan akin iniuan kuali timouikaj (Proverbios 13:​20). Uan no, moneki tiknemiliskej tein tiknekij tikijtoskej uan keniuj tikijtoskej. Xikonnemili keniuj momachiliskej akin mitsonkakiskej. Biblia kijtoua: “Tajtol tein amo se kinemilia tamati kemej ijkuak tetsoponiaj ika se espada, sayoj ke inintajtoluan tamatinij tepajtia” (Proverbios 12:​18).

 MAJ OKACHI TIMOMACHTIKAN

4. Kuali xikonnemili tein tikonijtoua

Tinochin tikijtouaj teisa uan ompa tiknemiliaj maj amo tikijtouanij (Santiago 3:2). Xikitakan Gálatas 5:​22, 23 uan ika xitajtokan nejin:

• ¿Toni tein nikan kijtoua tikontajtaniskia Jiova para kuali tiontajtos? ¿Keniuj mitsonpaleuis tein tikontajtanis?

Xikitakan 1 Corintios 15:​33 uan ika xitajtokan nejin:

• ¿Keniuj tein ika tionmoixpetania uan akin iniuan kuali tionmouika uelis kijtakos kemej tiontajtoua?

Xikitakan Eclesiastés 3:​1, 7 uan ika xitajtokan nejin:

• ¿Kemanian moneki amo teyi tikijtoskej oso timochiaskej para tikijtoskej teisa?

 5. Kuali ininka xiontajto oksekin

6. Xionkualtakat keman tikonnojnotsas mochankauan

 TEIN TIKITAKEJ

Totajtoluan uelis kinpaleuis oso kinyolxokolis oksekin. Moneki achto tiknemiliskej tein tikijtoskej, kemanian uan keniuj.

Maj tikelnamikikan

• ¿Keniuj uelis tikonkuis motajtoluan para tikonpaleuis oksekin?

• ¿Keniuj amo moneki tiontajtos?

• ¿Toni techpaleuis maj nochipa tikijtokan tein teyolchikaua uan maj tikualtakamej?