TEIN TECHYOLSEUIS KEMAN SEMI TIMOTEKIPACHOUAJ
Ejkos tonal keman amo timotekipachoskejok
Biblia kijtoua seki taman tein techpaleuia maj amo semi timotekipachokanok. Maski tejuan amo ueli tikijkuaniaj nochi tein kichiua maj semi timotekipachokan, toDios kemaj ueli. Yejuatsin kiixtalijya akin uelis techpaleuis. Monotsa Jesucristo. Keman yejua moajsik nikan taltikpak kichiuak miak taman tein kualtsin. Sayoj ke, amo uejkaua kichiuas okachi miak taman. Maj tikitakan tein kichiuas.
JESÚS KINPAJTIS AKIN MOKOKOUAJ
“Kiualkuiliayaj kampa Yejuatsin nochi kokoyani [...]. Uan Jesús kinpajtij.” (MATEO 4:24.)
JESÚS KICHIUAS MAJ TIKPIAKAN TEIN TIKUASKEJ UAN KAMPA TINEMISKEJ
“Kinchijchiuaskej kalmej uan ompa chanchiuaskej, uan kitokaskej uvajmekat uan kikuaskej itakilo. Amo kalchiuaskej uan okse kikuis, amo tatokaskej uan oksekin kikuaskej.” (ISAÍAS 65:21, 22.)
JESÚS KICHIUAS MAJ TINOCHIN KUALI TINEMIKAN
“Itech itonaluan moajsis akin yolmelauak, uan onkas ueyi yolseuilis hasta keman metsti amo moajsisok. Uan kinpias akin kinixyekanas uan taixyekanas ompa Ueyiat hasta kampa tami taltikpak [...] uan akin kiixnamikij kikuaskej talnex.” (SALMO 72:7-9.)
JESÚS KIJKUANIS TEIN AMO KUALI
“Kiiknelis akin amo kipia keniuj moixpanoltis uan akin kipanoua tatasojtilis, uan kinmakixtis akin kipanouaj tatasojtilis. Kinmakixtis akin ininka mauiltiaj uan kinteuiaj.” (SALMO 72:13, 14.)
JESÚS KICHIUAS MAJ AMO AKIN TAJYOUIOK NION MAJ MOMIKILIOK
“Amo aken momikilis ok; uan amo aken mochoktis ok; uan amo aken motekipachos ok; uan amo aken yoltajyouis ok.” (APOCALIPSIS 21:4.)
