Komo se techikoita amo ueli ijsiujka se mokixtilia. Ijkon kemej keman timokokouaj, komo tiknekij tipajtiskej moneki tiempo uan chikaualis, no ijkon panoua komo amo tiknekij titechikoitaskejok. ¿Toni techpaleuis maj senkis amo titechikoitakanok?

“Ximotakentikan ika ne tetasojtalis kachi ok. Porin ne tetasojtalis techsepanpoualtia se uan okse” (COLOSENSES 3:14).

¿Toni kijtosneki? Tikinpaleuiskej oksekin tapaleuis maj okachi kuali iniuan se mouika. Komo tikonnextia ke tikontasojta oksekin okachi amo tiontechikoitasok uan amo tiontetauelitasok.

Ika xiontanemili keniuj uelis tikonnextilis ke tikontasojta akin amo tikonyekita. Amo moneki tikonchiuas tein ouij, uelis tikonchiuas nejin:

• Xikonnexti ke tiontepoujkaita, komo se akin kayot itech okse altepet kineki ajsis kansaika, xikonpaleui keniuj ajsis oso keman tionyajtos itech se tepos xiontetakauili maj motalikan.

• Xikontemo tiontajtos iniuan maski amo tajtoskej motajtol.

• Amo xionyolijsiui keman tikonitas ke kichiuaj seki taman maski amo tikonmatis keyej.

• Kuali xikonkaki uan xionmochikaua tikonajsikamatis tein kipanouaj.