AKIN KIPIAJ ININNAMIK
4. Maj se tetapojpolui
¿TONI KIJTOSNEKI?
Se tetapojpoluis kijtosneki amo se kielnamiktosok keman techchiuiliaj tein amo kuali. Nejin amo kijtosneki ke amo mopoloj akin techyolxokolij.
BIBLIA KIJTOUA: “Xiksentokakan ximoxikojtokan se iuan okse uan ximotapojpoluijtokan ika nochi namoyolo maski aksa namechchiuilis tein amo kuali” (Colosenses 3:13).
“Keman tiktasojta aksa, amo tikita inepololuan, ta tikita keniuj mochikaujtok okachi kuali kichiuas se taman” (Aaron).
¿KEYEJ SEMI MONEKI?
Komo nochipa tikonelnamiktok tein mitsonchiuilijkej uelis tikokolispeuas, uan no uelis nankipiaskej kuejmolmej kemej namikuanij.
“Se tonal, notakatsin nechyolxokolij uan nechiluij maj niktapojpoluij. Maski ouij nechkisak, niktapojpoluij. Sayoj ke axkan niknemilia, keyej amo achto niktapojpoluij. Ijkon amo tikpiaskiaj kuejmolmej” (Julia).
¿TONI UELIS TIKONCHIUAS?
XIKONITA TEIN TIKONCHIUA
Xiontanemili itech nejin keman monamik mitsonyolxokolis:
-
¿Niman tionmoyolkokoua keman mitsonchiuiliaj teisa?
-
¿Niman tikonelkaua tein panok oso moneki mitsoniluiskej xikintapojpolui?
TEIN IKA UELIS NANTAJTOSKEJ
-
¿Niman timotapojpoluiaj?
-
¿Toni uelis tikchiuaskej para maj niman timotapojpoluikan?
TEIN UELIS TIKONCHIUAS
-
Keman monamik mitsonyolxokolis, amo xikonnemili ke ipa kinekia kichiuas.
-
Monamik no mopoloua, xikonelnamiki ke “tinochin miakpa timopolouaj” (Santiago 3:2).
“Keman tiomen timopolouaj amo ouij techkisa timotapojpoluiskej, sayoj ke okachi ouij keman tikitaj ke sayoj se kipia tajtakol. Moneki maj amo timoueyinekikan uan ijkon uelis titetapojpoluiskej” (Kimberly).
BIBLIA KIJTOUA: “Xiktemo nimantsin tikyektalis kuejmol” (Mateo 5:25).
Komo nochipa tikonelnamikto tein mitsonchiuilijkej uelis tikokolispeuas uan no uelis nankipiaskej kuejmolmej kemej namikuanij
