¿Akoni Dios?
Miakej kijtouaj ke kineltokaj Dios, sayoj ke keman kintajtaniaj akoni yejuatsin, amo sayoj se taman kijtouaj. Sekin kineltokaj ke amo teiknelia keman tamelaua uan kitemoua techtatsakuiltis ika totajtakoluan. Oksekin kijtouaj ke techtasojta uan nochipa techtapojpoluia maski tikchiuaskej tein yeski. Uan oksekin kijtouaj ke amo toka motekipachoua. Xa yejua ika miakej kijtouaj ke amo uelis se kiixmatis Dios.
¿Moneki tikonixmatis Dios? Kemaj. Komo okachi tikonixmati Dios, tionyolpakis (Hechos 17:26-28). Ijkon kemej okachi tionmotokis iuan, yejuatsin okachi mitsontasojtas uan okachi mitsonpaleuis (Santiago 4:8). Komo kuali tikonixmati Dios, uelis tionnemis nochipaya (Juan 17:3).
¿Keniuj uelis tikonixmatis Dios? Xiontanemili itech aksa akin kuali iuan tionmouika. ¿Keniuj peuak kuali iuan tionmouika? Yekinika, xa tikonmatik itokay uan satepan okseki taman kemej keniuj tamati, tein kiuelita uan tein amo, tein kichiuani uan tein kinemilia kichiuas. Nejon tapaleuij okachi kuali ximouikakan.
No ijkon, uelis tikonixmatis Dios komo tikonnankilia nejin netajtanilmej:
Nejin amaix kinankilia nejin netajtanilmej ika Biblia. Okseki tamachtilismej mitsonpaleuiskej xikonmati akoni Dios uan tein tikonselis komo kuali iuan tionmouika.
