Keman tikixtajtoltiaj Biblia uelis tiktemoskej okseki tamachtilismej tein techpaleuis maj tikajsikamatikan tein tikixtajtoltijtokej. Amo timomachtiaj sayoj porin tiknekij tikmatiskej miak taman, ta tiknekij okachi tikmatiskej keniuj tamati Jehová uan nejon kichiuas maj okachi tiktasojtakan. Keman timomachtiskej maj timotajtanikan: “¿Toni nechmachtia nejin versículo kemej tamati Jehová?”.

Xa uelis tikontemos seki taman tein okachi kinextia Jehová: tetasojta, tamatkej, kichiua tein kuali yetok uan chikauak. Sayoj ke onkak okseki tamanok tein no semi kualtsitsin tein kinextia keniuj tamati yejuatsin. ¿Kani uelis tikonajsis nejin tamachtilismej?

Itech amaix Nepaleuil tein ika momachtiaj itaixpantijkauan Jiova, xikontemo tamachtilismej kampa kijtoua “Jiova”, uan satepan “Ikualneskayouan Jiova”. Satepan, xikontemo katiyejua taman tein kinextia Jehová ika tajtoua tein tikonixtajtoltijtok itech Biblia.