¿Tikonixtajtoltiani ika nejmachkayot amaixmej Tanejmachtijkej tein yankuixtok kiskej? Xikonita ox ueli tikonnankilia nejin netajtanilmej:

¿Toni techmatiltia Santiago 5:11 keman kijtoua ke Jiova “semi teyoliknelia uan teyoltasojta”?

Tikmatij ke Jiova techtapojpoluia porin techiknelia. Santiago 5:11 techmatiltia ke no kineki techpaleuis ika netasojtalis. Semi kuali komo tikchiuaj kemej yejuatsin (w21.01, página 21).

¿Keyej kiixtalij Jiova maj sekin kipiakan tanauatil?

Kichiuak porin techtasojta. Nejin tapaleuia maj ichankauan Jiova kipiakan yolseuilis uan maj amo xexeliujtokan. Kalyetouanij akin kitakamatij tein Jiova kiixtalij kimatij akoni moneki kiixpejpenas tein mochiuas uan akoni kinixyekanas. (w21.02, página 3).

¿Keyej moneki timoyekpiaskej keman tikuij aplicaciones kampa se motajkuilouilia?

Komo se tokniuj kikui nejin aplicaciones, moneki kuali kiixpejpenas akonimej iniuan motajkuilouilis. Nejin ouij tekisa se kichiuas komo semi miakej moajsij itech grupo kampa se motajkuilouilia (1 Tim. 5:13). No ueliskia kichiuas maj se kitematilti teisa tein amo momati ox melauj oso maj se kitemo se motomintis inintechkopa tokniuan (w21.03, página 31).

¿Keyej kikauak Dios maj Jesús semi kitajyouiltianij uan maj kimiktianij?

Yekinika, keman Jesús kipilojkej itech se kouit uelik kinmakixtij judíos akin kintatsakuiltijkaj (Gál. 3:10, 13). Ojpatika, nejon kipaleuiskia maj satepan kuali kichiua tekit kemej Tayekankatiopixkat. Uan expatika, kemej nochipa kitakamatik Jiova, kinextij ke taltikpakneminij uelis kisentokaskej tatakamatiskej maski semi tajyouiskej (Job 1:9-11) (w21.04, página 16 uan 17).

¿Toni uelis tikchiuaskej komo amo tikinajsij taltikpakneminij ininchan?

Uelis titanojnotsaskej itech horas keman xa okachi yetokej. No uelis okseko titanojnotsaskej. Uan uelis tikpataskej kemej titanojnotsaj, kemej neskayot, uelis tikinijkuilouiliskej cartas (w21.05, página 15 uan 16).

¿Toni kijtosnekia Pablo keman kijtoj: “Timosekokauke ya den tanauatil de Moisés keme yeskia timomikilijke ya”? (Gál. 2:19).

Tanauatil senkis kinextij ke taltikpakneminij tajtakolejkej, uan kinpaleuij israelitas maj kiajsikamatinij ke yejua Cristo akin kinpaleuiskia (Gál. 3:19, 24). Yejua ika Pablo kineltokak Jesús. Yejua nejon kijtosnekia keman kijtoj: “Timosekokauke ya den tanauatil de Moisés keme yeskia timomikilijke ya”. Tanauatil amo kipiayaok chikaualis itech inemilis Pablo (w21.06, página 31).

¿Keniuj Jiova techkauilia se kuali neskayot porin taxikojtok?

Kipitsotilianij itokay, miakej kiixnamikij yejuatsin uan itaixyekanalis, seki ikoneuan kiixnamikinij, Satanás kitakajkayauilia, itekitikauan semi tajyouiaj, momikilianij akin kuali iniuan mouikaya, akin amo yolkualmej kintajyouiltiaj oksekin uan taltikpakneminij kiuejuelojtokej taltikpak (w21.07, páginas 9 hasta 12).

¿Keniuj tein kichiuak José techmachtia ke moneki timochiaskej uan amo tiyolijsiuiskej?

Iikniuan José kichiuilijkej tein amo kuali, kemej neskayot, kinamakakej uan yejua ika kiajxitijkej Egipto. Keman ompa yetoyaya kitakajkayauilijkej uan kitsakkej miak xiujmej (w21.08, página 11 uan 12).

¿Toni moijtoj itech Ageo 2:6-9, 20-22 ke panoskia?

Miakej amo kiuelkakij tein Biblia tamachtia, sayoj ke miakej kinekij kiixmatiskej. Amo uejkaua, Jiova kintsetselos nochin altepemej keman senkis kinixpolos (w21.09, páginas 15 hasta 19).

¿Keyej moneki tiksentokaskej titanojnotsaskej?

Jiova kiita ke timochikauaj titanojnotsaskej uan nejon kiyolpaktia. Komo amo tisiouij nion timosenkauaj, uelis tinemiskej nochipaya (w21.10, página 25 uan 26).

¿Keniuj Levítico capítulo 19 techpaleuia maj tikchiuakan nejin: “Xinentinemikan ika ne yolchipaualis tech nochi namonemilispan”? (1 Ped. 1:15).

Nejin tajkuilol xa kisa itech Levítico 19:2. Levítico capítulo 19 kijtoua miak taman kemej uelis tikchiuaskej tein tayolmajxitia 1 Pedro 1:15 (w21.12, página 3 uan 4).