Miakej kinemiliaj ke amo keman ejkos tonal maj amo techikoitakanok.

•   “Noyampa techikoitaj uan moita itech nochi tein miakej kichiuaj uan kemej nemij. Nejon kichiua maj miakej amo kinpaleuikan kemej moneki” (António Guterres, secretario general de las Naciones Unidas).

 ¿Ejkos tonal keman amo akin kichikoitaskejok? ¿Toni kijtoua Biblia?

 Biblia kijtoua keniuj techita Dios maski titatamamej.

•   “Itechkopa sayoj se takat [Dios] techchijchiuak tinochin para maj tinemikan itech nochi taltikpak” (Hechos 17:26).

•   “Dios amo techichikotasojta, ta itech tein yeski altepet, akin kimojkatoka uan kichiua tein kuali yetok, kiyolpaktia” (Hechos 10:34, 35).

 Biblia kijtoua ke Dios techchijchiuak tinochin uan maski titatamamej uelis tikyolpaktiskej.

 ITaixyekanalis Dios, se tekiuajyot tein moajsi iluikak, kichiuas maj amo se mochikoita. Nejon tekiuajyot kinmachtis nochin maj kinpaleuikan oksekin kemej moneki; no momachtiskej keniuj amo techikoitaskejok.

•   “Akin nemij nikan taltikpak kiajsikamatij tein kuali yetok” (Isaías 26:9).

•   “Tein kuali yetok kichiuas maj onka yolseuilis uan kichiuas maj nochipa yolseujtokan uan maj kuali yetokan” (Isaías 32:17).

 Itech nejin tonalmej, millones momachtijtokej itech Biblia keniuj kintakachiuaskej oksekin.

•   Komo tikonneki tikonmatis okachi, xikonlero amaix ¡Taijxitilis! tein motokaytia “¿Uelis amo akin techikoitasok?”.

•   Para tikonmatis keniuj tetatmej uelis ika tajtoskej nejin iniuan ininkoneuan, xikonlero tamachtilis “¿Cómo hablar con sus hijos sobre el racismo?”.