Tonal 27 de enero xiuit 2023, mochiuas Día Internacional en Memoria del Holocausto. Xa tein amo kuali tein mochiuak panouaya 75 xiujmej kichiua ximotajtani ¿keyej Dios kikauak maj panouani Holocausto?

•   Para tikonmatis toni kijtoua Biblia, xikonlero tamachtilis “¿Por qué sucedió el Holocausto judío? ¿Por qué Dios no lo impidió?”.

 Judíos kijyouijkej Holocausto. Semi tajyouijkej uan millones kinmiktijkej. No kintajyouiltijkej uan kinmiktijkej oksekin akin amo katkaj Judíos itech Holocausto. Ompa no moajsiaj itaixpantijkauan Jehová, akin kintajyouiltijkej porin kitakamatiaj tein kijtoua Biblia.

•   Para tikonmatis okachi, xikonlero tamachtilis “¿Toni kinpanok itaixpantijkauan Jiova keman mochiuak Holocausto?”.

 Miakej mouij maj oksepa miakej kinmiktikan. Sayoj ke Biblia kijtoua ke amo keman oksepa mochiuas se taman kemej nejon.

•   “Jehová kijtoua: ‘Kuali nikmattok tein nikneki xikpiakan. Nikneki xiyolseujtokan uan maj amo namechpano nion teyi tein amo kuali. Nikneki xikchiakan tein kuali satepan’” (Jeremías 29:11). a

 Tein Jehová kijtoua, mochiuas keman kiixpolos nochi tein amo kuali. Amo uejkaua Dios kichiuas nejin:

•   Kinixpolos akin amo yolkualmej, akin kintajyouiltiaj oksekin (Proverbios 2:22).

•   Amo akin tajyouisok, ta nochin kuali momachiliskej (Apocalipsis 21:4).

•   Oksepa nemiskej nikan taltikpak akin momikilijkejya (Juan 5:28, 29).

 Tejuatsin uelis tikonneltokas ke yekmelauj mochiuas nejin tein kijtoua Biblia. Komo tikonneki tikonmatis keniuj mochiuas, timitsonyoleuaj touan xionmomachti Biblia.