Ompa Haití miakej mosenolochouaj uan taixpolotij kampa ajsitij. Ompa Sudáfrica uan México miakkan temijmiktiaj. Uan no ijkon panoua itech okseki altepemej. Uan itech seki altepemej, maski amo semi temijmiktiaj, miakej kisentokaj mojkanemij uan motekipachouaj porin kikakij ke nentinemij akin tachtekij, akin tatikuiltiaj oso taixpolouaj.

 ¿Kijtojka Biblia ke noyampa nemiskiaj akin okachi kichiuaskiaj tein amo kuali?

 Biblia kijtojka ke keman okachi mochiuaskia tein amo kuali, kinextiskiaj ke “tamitiya tein mochiujtok itech taltikpak” (Mateo 24:3). Keman Jesús kimelauak tein kinextiskia ke tatamitiya, kijtoj:

•   “Kemej okachi mochiuas tein amo kuali, okachi miakej amo tetasojtaskejok” (Mateo 24:12).

 Biblia no kijtojka ke “itech tonalmej keman tatamitiya” miakej “amo motsakuiliskej, kichiuaskej tein tel fiero, kiixtopeuaskej tein kuali” (2 Timoteo 3:1-5). Nejin techpaleuia maj tikmatikan keyej axkan okachi mochiua tein amo kuali.

 Sayoj ke Biblia techmatiltia ke onkak keyej tikneltokaskej ke ajsis tonal keman amo mochiuasok tein amo kuali.

•   “Amo uejkauaok, akin amo yolkualmej amo nemiskejok; titachias kampa yetoyaj, uan amo ompa yetoskej. Sayoj ke akin yolnejmachmej ininaxkatis taltikpak uan yolpakiskej porin semi yolseujtoskej” (Salmo 37:10, 11).

 Xionmomachti okachi keniuj kijtoua Biblia ke motayektalis, uan keyej uelis tikonneltokas ke axkan mochiujtok miak taman ijkon kemej Biblia kijtojka. Uelis tikonleros nejin eyi tamachtilis.

 “La esperanza real de un mañana mejor”.

 “¿Toni kinextia ke tinentokej ‘itech tonalmej keman tatamitiya’?”.

 “¿Predijo la Biblia cómo sería la gente en nuestros días?”.