¡MAJ TITACHIXTOKAN!
Taixmatinij kijtouaj ke okachi amo uejkaua ejkos ixpoliuilis | ¿Toni kijtoua Biblia?
24 de enero xiuit 2023, taixmatinij kijtojkej ke Reloj del Juicio Final a okachi motokijya tajkoyouan, tein kijtosneki ke amo uejkaua ejkos ixpoliuilis.
“Nejin martes, Reloj del Juicio Final, tein kiixnextia nochi tein amo kuali tein panotok itech taltikpak, okachi motokij tajkoyouan porin mochiujtok neteuilis ompa Ucrania, porin uelis kikuiskej uejueyi bombas nucleares uan no porin taltikpak kisentoka moijtakojtok” (Servicio internacional de noticias de la agencia AFP).
“Nejin martes taixmatinij kitematiltijkej ke itech Reloj del Juicio Final sayoj poliui 90 segundos para ajsisya tajkoyouan, tein kijtosneki ke amo uejkaua ixpoliuis nochi” (ABC News).
“Miakej taixmatinij akin kayomej itech nochi taltikpak, kijtouaj ke axkan okachi moita ke uelis ixpoliuiskej nochin akin nemij nikan taltikpak” (The Guardian).
¿Ixpoliuis amo uejkaua taltikpak uan akin ompa nemij? ¿Moneki tikmouiliskej tein panos satepan? ¿Toni kijtoua Biblia?
Tein amo uejkaua mochiuas
Biblia kijtoua ke, “taltikpak nochipaya yetos” uan ke miakej “ompa nemiskej nochipaya” (Eclesiastés 1:4; Salmo 37:29). Yejua ika, akin nemij nikan taltikpak amo kitamiuejueloskej nion senkis kiixpoloskej taltikpak.
Sayoj ke Biblia kemaj kijtoua ke ixpoliuis seki taman. Kemej tein ixnesi itech 1 Juan 2:17, kampa kijtoua ke akin amo yolkualmej “ixpoliuiskej”.
Komo tikonneki tikonmatis okachi, xikonlero tamachtilis “¿Se acerca el fin del mundo? ¿Qué es el apocalipsis?”.
Komo tikonneki tikonmatis kemanian mochiuas nochi tein kijtoua Biblia, xikonlero tamachtilis “¿Cuándo será el fin del mundo?”.
Maj tikchiakan tein kuali
Biblia techpaleuia maj tikchiakan tein kuali maski mochiujtos tein amo kuali itech taltikpak. ¿Keniuj?
Biblia techiluia tein uelis techpaleuis itech tonemilis (2 Timoteo 3:16, 17). Komo tikonneki tikonmatis keniuj Biblia uelis mitsonpaleuis nochipa xikonchia tein kuali maski tikpiaskej kuejmolmej, xikonlero tamachtilis “Qué puedo hacer para no preocuparme tanto”.
Biblia no kijtoua ke amo uejkaua uelis tikchiaskej maj mochiua seki taman tein kuali (Romanos 15:4). Techiluia toni uelis tikseliskej axkan uan satepan, uan nejon techpaleuia maj amo tikmouilikan nochi tein mochiujtok itech taltikpak.
Para maj Biblia okachi mitsonpaleui, timitsonyoleuaj touan xionmomachti Biblia.
a “Reloj del Juicio Final, yejua kemej yeskia se reloj tein kinnejmachtia nochin ke amo uejkaua uelis timoixpoloskej ika seki teposmej uan okseki taman tein axkan mochijchiuanij uan tein semi tamouililmej. Nejin reloj techelnamiktia ke moneki tikchiuaskej tein tapaleuis maj amo tiixpoliuikan” (Bulletin of the Atomic Scientists [Boletín de Científicos Atómicos]).
Xa no tikonuelitas
SEKI TAMAN TEIN BIBLIA TAMACHTIA TEIN TAYEKANTOKEJ
¿Keyej Dios kikaua maj onka tajyouilis?
Itech Biblia tikajsij se tanankilil tein taixejekol uan techyolseuia.
¡TAIJXITILIS!
Tein techmachtia Dios Akin techchijchiuak techpaleuia maj tikchiakan tein kuali
Xikonita seki taman tein kualtsin tein Dios motenkaujtok kichiuas.
SEKI TAMAN TEIN BIBLIA TAMACHTIA TEIN TAYEKANTOKEJ
¿Keyej Dios kichijchiuak taltikpak?
Taltikpak tel kualtsin. Xeliujtok iuan tonaltsin kemej kinamiki, nakasikayetok, uan momalakachoua kemej kinamiki. ¿Keyej Dios semi mochikauak kichijchiuas taltikpak?
TIAKONIMEJ
Xiontajtani maj mitsonkalpanokan
Xikonmati itanankilil se netajtanil tein kisa itech Biblia, oso okachi xikonixmati itaixpantijkauan Jiova.
